बुलिङटार बस दुर्घटना अपडेट : मृतक ५ जनाको पहिचान खुल्यो

कावासोती । पाल्पाबाट मनकामना दर्शनको लागि जादै गरेको बस नवलपुरमा दुर्घटना हुँदा ५ जनाको मृत्यु भएको छ। पाल्पाको रम्भा गाउँपालिका १ हुँगीबाट मनकामना दर्शनको लागि जाँदै गरेको  ना ६ ख ७५८० नम्बरको बस नवलपरासी पूर्व नवलपुरको बुलिङटार गाउँपालिका २ मोथार मा आज बिहान दुर्घटना हुँदा ५ जनाको घटना स्थलमा नै मृत्यु भएको प्रहरीले जनाएको छ । भने अन्य २७ जना गम्भीर घाइते रहेको जिल्ला प्रहरी कार्यालय नवलपुरका डिएसपी सन्तोष पाठकले जानकारी दिए ।

मृत्यु हुनेमा पाल्पा रम्भा गाउँपालिका १ बस्ने वर्ष ४१ को तारा बिक, सोही ठाउँका वर्ष १७ को बिनय बिक, वर्ष ६२ की धनि बिक, वर्ष ५८ की देवी गाहा र स्याङजा गल्याङ नगरपालिका ९ बेलचौरको वर्ष ४५ की फुलमाया माझी रहेकी छन् । कालिगण्डकी करिडोर अन्तर्गत सडकमा बिहानको समयमा भएको  उक्त दुर्घटनाको स्थानीय केही समय पछि जानकारी पाएका थिए ।अहिले घाइतेहरुलाई उपचारको लागी भरतपुर पठाइएको प्रहरीले जनाएको छ ।