रुपन्देहीमा चुकुल लागेर तन्नाले बेरिएको अवस्थामा र पंखामा झुण्डिएको अवस्थामा दम्पती मृत फेला

रुपन्देही।रुपन्देहीको देवदहमा एक दम्पती आफ्नै घरमा मृत फेला परेका छन् । देवदह नगरपालिका–५ पाल्पाली टोलमा सोमबार बिहान श्रीमान श्रीमतीको मृत अवस्थामा फेला परेको हो ।प्रहरीका अनुसार घर भित्र चुकुल लागेको अवस्थामा ३६ वर्षीय बोलिन्द्र जोल्मी मगर र उनकी श्रीमती ३२ वर्षीया हेमकला जोल्मी मगर मृत फेला परेको थिए ।

श्रीमतीको शव भुइँमा तन्नाले बेरिएको अवस्थामा रहेको र श्रीमानको शव पंखामा झुण्डिएको अवस्थामा रहेको देवदह प्रहरी चौकीका प्रमुख गंगा बहादुर सारुले बताए । कोठाको भित्रबाट चुकुल लगाएको र घटनाको प्रकृति हेर्दा हत्यापछि आत्महत्या गरेको जस्तो देखिएपनि अनुसन्धान नगरी केही भन्न नसकिने प्रहरीले बताए । वैदेशिक रोजगारीबाट श्रीमान चार दिनमा अघि नेपाल फर्केकोका थिए ।त्यस्तै बालेन्द्र र हेमकलाका ८ वर्षीय छोरा आइतबार राती आफन्तको घरमा सुत्न गएको र बिहान घर आउँदा ढोका लागेको देखेर झ्याबाट हेर्दा आमा भुईंमा पल्टिएको र बुवा झुण्डिएको देखेपछि छिमेकीलाई खबर गरेका थिए।