नवलपुरमा एमाले विरुद्ध गठबन्धनको कुप्रचार आफैलाई बन्यो भारी

कावासोती । जिल्लाको पहाडी क्षेत्रमा खाद्यन्न सहित जादै गरेको सवारी नियन्त्रणमा लिने प्रशासन र गठबन्धनको ज्याजतिपूर्ण कार्य अन्तिममा उनिहरुलाई नै भारी परेको छ ।
मध्यविन्दु नगरपालिकाको १३, १४ र हुप्सेकोट ६ का स्थानीयले अरुणखोला र चोरमारा बजारबाट खरिद गरी लैजादै गरेको खाद्यन्न गठबन्धनको कार्यकर्ताका सहयोगमा प्रहरीले नियन्त्रणमा लिएको थियो । शुरुमा नेकपा एमालेले चुनावमा वितरण गर्न लैजादै गरेको दुई गाडी चामल प्रहरीले नियन्त्रणमा लिएको भन्दै कांग्रेस कार्यकर्ताले सामाजिक सञ्चालमा प्रचार गरेको उक्त घटना अन्तिममा प्रहरीलाई नै टाउको दुखाईको कारण बन्यो । स्थानीय बासिन्दाले दैनिकीको लागि केही बोरा चामल सहित व्यपारीले कोकाकोला, खानेतेल उक्त गाडीमा रहेको थियो ।
दुई गाडी चामल भनी प्रचार गरिएको जिपमा चार पाँच बोरा मात्रै चामल बरामद भएपछि प्रहरीले भने सोही सवारीमा स्थानीय व्यपारीले डिलरबाट खरिद गरी लैजादै गरेको केही कार्टुन मदिरालाई सवारी नियन्त्रणमा लिनुको कारण बतायो । जिल्ला प्रशासन कार्यालयले मदिरा बिक्रि वितरणमा रोक लगाएको अवस्थामा सवारीमा मदिरा लगिएको कारण नियन्त्रणमा लिएको जिल्ला प्रहरी कार्यालयका डिएसपी सन्तोष पाठकले बताए ।
घटनालाई अतिरञ्जीत गर्ने उद्देश्य सहित जिल्ला प्रशासन कार्यालयको मिलिमतोमा सवारी नियन्त्रणमा लिएको आरोप स्थानीयको छ । गठबन्धनको योजनामा प्रहरीले नियन्त्रणमा लिएको सवारीमा हल्ला गरिए अनुसार परिणाममा चामल बरामद नभएपछि प्रशासनलाई उक्त घटना टाउको दुखाईको कारण बन्यो । उक्त सवारीमा पहाडी क्षेत्रका तिस जना यात्रु आफ्ना सानासाना बच्चा सहित बजार गरेर गाउँ जादै थिए । घटना थाहा पाएपछि चोरमाराका स्थानीयले चोरमारा प्रहरी कार्यालय घेराउ समेत गरे ।
बालबच्चा सहित यात्रा गर्दै गरेका यात्रु सावर सवारी प्रहरीले नियन्त्रणमा लिएको तिन घण्टापछि स्थानीय पत्रकारहरुले घटना स्थलबाट प्रत्यक्ष प्रशारण गरेपछि प्रशासनलाई सवारी छाड्न दवाव पर्यो । शुरुवातमा स्थानीयलाई वैकल्पीक माध्यमबाट जान अनुरोध गरेको प्रहरीले अन्तिममा उनिहरु सवार सवारीमा नै सुरक्षित रुपमा गन्तव्य सम्म पुर्याउने जिम्मेवारी लियो ।
घटनाको विषयमा प्रहरी प्रधान कार्यालय र प्रदेश प्रहरी कार्यालयबाट चासो व्यक्त भएपछि प्रहरीले बाध्य भएर उनिहरुलाई छाडुनु परेको प्रहरी स्रोतले बतायो । प्रहरी प्रधान कार्यालयबाट बालबच्चा सहितका स्थानीयलाई सुरक्षित रुपमा गन्तव्य सम्म पुर्याउन निर्देशन आएपछि प्रहरी निरिक्षक सहितको टोलिले सवारीलाई पहाडी क्षेत्र लैजादै छ ।
यस अगाडी स्थानीय कांग्रेस कार्यकर्ताको सहयोगमा प्रहरीले मध्यविन्दु १४ का वडा सदस्य देविराम आलेलाई समेत नियन्त्रणमा लिएको थियो । पार्टीको तर्फबाट मतदान केन्द्र प्रतिनिधि कार्ड सहित जादै गरेका आलेलाई नियन्त्रणमा लिएको प्रहरीले घटनाको चेकजाँचमा प्रचार भएअनुसारको गतिविधि नपाएपछि छाडेको छ ।