गैंडाकोटमा स्कुल बसले ठक्कर दिदा ३ वर्षिय बालिकाको घटनास्थलमा नै मृत्यु

कावासोती । नवलपरासी वर्दघाट सुस्ता पूर्व नवलपुरको गैंडाकोटमा स्कुल बसको ठक्करबाट ३ वर्षिय बालिकाको घटना स्थलमा नै मृत्यु भएको छ । मंगलबार दिउसो १:३० बजेको समयमा गैंडाकोट १२ मठकुरीको भित्रि सडक खण्डमा पूर्वबाट पश्चिम तर्फ जादै गरेको ग १ क २७५७ नम्बरको बसले ठक्कर दिदा बालिकाको घटना स्थलमा नै मृत्यु भएको हो ।

गैंडाकोटको सुर्योदय बोडिङ्ग स्कुलको बसले गैंडाकोट १२ मठकुरी बस्ने वर्ष ३ को साइरा चुनी मगरलाई ठक्कर दिएको र उनको घटना स्थलमा नै मृत्यु भएको प्रहरीले जनाएको छ । चालक र सहचालक प्रहरी नियन्त्रणमा रहेको र घटनाको बिषयमा थप अनुषन्धान भइरहेको प्रहरीले जनाएको छ ।