वालिङमा ट्याक्टर दुर्घटना हुँदा दुई जनाको मृत्यु

स्याङ्जा। वालिङ नगरपालिकामा ट्याक्टर दुर्घटना हुँदा दुई जनाको मृत्यु भएको छ । मृत्यु हुनेमा चापाकोट नगरपालिका २ धुर्कोट बस्ने ३२ वर्षीय नविन सुनार र वालिङ नगरपालिका ८ मिर्दि बस्ने अन्दाजी १४ वर्षीय सोविन विक रहेको जिल्ला प्रहरी कार्यालय स्याङ्जाले जनाएको छ ।

वालिङ नगरपालिका ६ आम्डाली स्थित भित्री सडक खण्डमा जगत भङ्जयाङबाट मिर्दि तर्फ ढुङगा लिएर आउँदै गरेको ग १ त ६८८६ को नम्बरको ट्याक्टर आइतबार राति ८ बजे अनियन्त्रित भई दुर्घटना हुँदा दुई जनाको मृत्यु भएको हो ।