किस्ता उठाउन गएका लघुवित्तका कर्मचारीमाथि दुई जनाले कालोमोसो दले, ५ जना प्रकाउ

काठमाडौं।जाजरकोटमा एनआईसी एशिया लघुवित्तका कर्मचारीमाथि कालोमासो दलिएको छ ।जिल्ला प्रहरी कार्यालय जाजरकोटका डीएसपी सन्तोष रोक्का अनुसार हिजो (मंगलबार) जाजरकोटको भेरी नगरपालिकमा मासिक किस्ता उठाउन गएका लघुवित्तका एकजना कर्मचारीमाथि दुई जना अज्ञात व्यक्तिले कालोमासो दलेका हुन् ।उनिहरुको साथमा रहेको नगद किस्ता असुल गरेको झोला सहित भागेको पाइएको डीएसपी रोक्काले बताए ।

‘१६ गते उक्त स्थानमा एनआईसी एशिया लघुवित्तको किस्ता उठाउने मिति रहेछ । सोही क्रममा मंगलबार लघुवित्तका कर्मचारी किस्ता उठाउन गएको ठाउँमा दुई जना व्यक्ति आएर कर्मचारीलाई कालोमोसो दलेर किस्ता असुल गरेको रजिस्टर र नगद सहित भागेका हुन्,’ डीएसपी रोक्का भन्छन्, ‘हामीले घटनाको अनुसन्धान सुरु गरिसकेका छौं । ५ जना नियन्त्रणमा लिएर सोधपुछ गरिरहेका छौं ।’