मध्यविन्दुमा निःशुल्क पशु स्वास्थ्य शिविर सम्पन्न

प्रकाश रेग्मी ,चोरमारा । पूर्वी नवलपरासीको मध्यविन्दु नगरपालीका १३ मा निःशुल्क पशु स्वास्थ्य शिविर सम्पन्न भएको छ । मध्यविन्दु नगरपालिकाको पशु सेवा शाखाको आयोजनामा भएको शिविरमा वडा नं. १३ का वडा अध्यक्ष अर्जुन पङगेनीले बोल्दै पशु पालक किसानलाई शिविर बाट लगिएको औषधीहरु डाक्टरहरुको सुझाब अनुसार प्रयोग गर्ने आग्रह गरेका थिए । उक्त शिविरमा बाख्रा, कुखुरा, गाई, भैँसी र बंगुर लाई निःशुल्करुपमा उपचार सहित औषधी वितरण गरिएको थियो ।

शिविरमा जुका, माटे, भिटामिन, घाउखटिरा, जुम्रा र उपाको उपचार तथा औषधी निःशुल्क वितरण गरिएको नगरपालीकाको पशु सेवा शाखा प्रमुख ज्ञान प्रसाद भट्टाइले जानकारी दिए । शिविरमा २०० भन्दा बढि किष्सानलाई निःशुल्क औषधी वितरण गरिएको थियो ।