आजै साँझ मन्त्रीहरूको शपथ गराउने तयारी, मन्त्रालयको बाँडफाँट टुंगिन बाँकी

काठमाडौं । प्रधानमन्त्री पुष्पकमल दाहाल प्रचण्डले आजै मन्त्रिमण्डल विस्तार गर्ने तयारी गरेका छन् ।बिहीबार बिहान बालुवाटारमा बसेको गठबन्धन बैठकपछि जसपा नेता राजेन्द्र श्रेष्ठले आज नै मन्त्रीहरूको शपथ गराउने तयारी भएको बताए ।केही दलहरूले पाउने मन्त्रालयको टुंगो लागिसकेको उल्लेख गर्दै उनले नटुंगिएका दलहरू फेरि छलफलमा बस्ने बताए ।

उनले भने, ‘टुंगिएका पार्टीहरू आउनु परेन नटुंगिएका पार्टी फेरि बस्ने भनेका छन् । सबै पार्टीले आफ्नो प्रक्रियाबाट टुंगो लगाए । संस्थागत निर्णय गरेर नाम दिए भने आज साँझ शपथ हुन्छ ।’अहिले प्रधानमन्त्री प्रचण्ड चितवन गएकाले २ बजे फेरि बैठक बस्ने उनले बताए ।