विद्यार्थीहरुको लागि सुचनाको हक सम्बन्धी तालिम

कावासोती । टि.वि. मिडियाको आयोजनामा विद्यार्थीहरुको लागि तिन दिने सुचनाको हक सम्बन्धी अभिमुखिकरण कार्यक्रम शुरु भएको छ । कावासोती नगरपालिकाको सहयोगमा मध्यविन्दु बहुमुखी क्याम्पसमा शुरु भएको तालिम कावासोती नगरपालिका भित्रका विभिन्न सामुदायिक क्याम्पसका विद्यार्थीहरु सहभागी छन् ।

तालिममा सहभागीहरुलाई सुचनाको हक सम्बन्धी व्यवस्था, त्यसको प्रयोग, कानुनि व्यवस्था लगायतको विषयमा अभिमुखिकरण गरिने आयोजक संस्थाका खेमनारायण महताले बताउनुभयो । तालिमको उद्घाटन शत्रमा स्वतन्त्र विद्यार्थी युनियन मध्यविन्दु क्याम्पसका सभापति केशव भुसालले अभिमुखिकरण कार्यक्रमले विद्यार्थीहरु सुचनाको हक उपभोग गर्ने कार्यमा अग्रसर हुन प्रेरित गर्ने विश्वास व्यक्त गर्नुभयो ।