कावासोतीमा लाइसेन्स बनाउन निवेदन दिएको भोलि पल्टै बायोमेट्रिक

कावासोती । कावासोतीको यातायात व्यवस्था कार्यालयबाट सवारी चालक अनुमति पत्र (लाइसेन्स) निकाल्न महिनौ कुर्न पर्ने समस्या हटेको छ । यस अघि लाइसेन्सको फारम भरेका नागरिकले बायोमेट्रिकको लागी नै महिनौ कुर्नुपर्ने समस्या थियो । तर अहिले सवारी चालक अनुमति पत्र (लाइसेन्स) को फारम भरेका निवेदकको भोलिपल्टनै बायोमेट्रिक हुने गरेको यातायात व्यवस्था कार्यालय नवलपुरका प्रमुख टेक बहादुर घर्तीले बताए । उनले भने पहिले फारम भरेका निवेदकले बायोमेट्रिकको लागी नै महिनै कुर्नपर्ने थियो ,तर पछिल्लो समय फारम भरेको भोलि पल्टनै बायोमेट्रिक हुने गरेको छ । अहिले कोटा भन्दा थोरै अनलाइन निवेदन परेको कारण पनि लाइसेन्सको प्रक्रिया चाडै हुने गरेको घर्तीले बताए । उनले भने निवेदकले सबै प्रक्रिया पुरा गर्ने हो भने १५ दिनमा नै सवारी चालक अनुमति पत्र (लाइसेन्स) पाउछन् ।