नमुना पोष्ट
कावासोती।आज आदीकवि भानुभक्त आचार्यको २१० औ जन्मजयन्ति कार्यक्रम नवलपुर जिल्लामा विभिन्न कार्यक्रम गरी मनाईएको छ । विगत बर्षहरुमा जस्तै यस बर्ष पनि असार २९ गते रेडियो सामथ्र्य ९२.१ मेगाहर्जको आयोजना र मुकुन्दशेन टेलिभिजन, रेडियो संकेत र न्युज नेपालको सह आयोजना तथा साधना संगम नवलपुरको सहकार्यमा भानु जयन्ती मनाईएको छ । कार्यक्रममा दुई दर्जन स्रष्टाहरुद्धारा रचना वाचन गरीएको थियो । बरिष्ठ समालोचक तथा कवि दिपक सोती, कवि षडान्नद जैसी, छन्द कवि लोकनाथ खरेल, कवि डाक्टर धनपति कोइराला, प्रगतिशिल लेख संघ नवलपुर अध्यक्ष काशिनाथ गैरे शर्मा लगायत जिल्लाका विभिन्न विधाका स्रष्टाहरुद्धारा रचना वाचन गरीएको थियो । कार्यक्रम रेडियो सामथ्र्य एफएमका अध्यक्ष भरत शर्मा पोख्रेलको अध्यक्षता एवम कावासोती नगरपालिका नगर प्रमुख बिष्णु प्रसाद भुसालको प्रमुख आतिथ्यतामा कार्यक्रम सम्पन्न गरिएको थियो । आयोजित कार्यक्रममा बोल्दै प्रमुख अतिथि भुसालले बिभिन्न सञ्चारक्षेत्रको समयमा नेपाली भाषालाई मौलिकता प्रदान गर्नुभएका आदिकविको सम्झनामा कार्यक्रम आयोजना गरेको प्रति आभार ब्यक्त गर्नुभएको थियो । त्यस्तैउहाँले साहित्यक क्षेत्रलाई योगदान र आवश्यक सहयोग र समवन्यात्मक गर्न नगरपालिकाले १० लाखको भवन निर्माणमा सहयोग गर्ने बताउनुभयो । नवलपुरको माटोमा हुर्किएर नवलपुरको माटोमा हुर्किएर कला र साहित्यको क्षेत्रमा स्थापित विभिन्न स्रष्टा तथा नवआगन्तुक साहित्यप्रेमीहरुबाट रचना वाचन र भानुभक्तले साहित्यक क्षेत्रमा दिएको योगदान बारे बिभिन्न कवीहरुले कविता तथा गजल मार्फत चर्चा गरेका थिए । आयोजित कार्यक्रममा नवलपुर कावासोतीका छन्द कवी लोकनाथ खरेललाई कविता संग्रह अक्षर यात्री २०६५, शब्दयात्री प्रकाशनमा ल्याएकोमा सम्मान सत्र दोसल्ला ओढाएर सम्मान गरिएको थियो ।
कार्यक्रममा नवलपुरका बिभिन्न बिधाका कवि, स्रष्टा तथा नवआगन्तुक साहित्यप्रेमी,शैक्षिक ब्यक्तित्व,समाजसेवी लगायतको उपस्थित रहेको कार्यक्रमको सहजीकरण अग्निधर लुईटेलले गर्नुभएको थियो । भने पूर्वीय दर्शन, धर्म संस्कृतिमा आधारित कविताले समाजमा नैतिक सन्देश प्रवाह गर्न आदिकवि आचार्यले ठुलो भूमिका निर्वाह गरेको प्रति उपस्थित कविहरुले स्मरण गरेका थिए ।
