सुरज भण्डारीले रोट्र्‍याक्ट क्लब अफ भरतपुर हाइटको जिम्मेवारी सम्हाले

चितवन। रोट्र्‍याक्ट क्लब अफ भरतपुर हाइटको अध्यक्षमा सुरज भण्डारीले पदस्थापनसँगै आफ्नो जिम्मेवारी सम्हालेका छन् । भण्डारीलाई क्लबको पाँचौं पदस्थापन कार्यक्रममा डिष्ट्रिक्ट रोट्र्‍याक्ट प्रतिनिधि रोशन कार्कीले अध्यक्षको सपथ ग्रहण गराएका हुन् । सोही अवसरमा नवनिर्वाचित अध्यक्ष सुरजले बोर्ड सदस्यहरूलाई पनि सपथ ग्रहण गराएका छन् ।कार्यक्रममा उत्कृष्ट डिष्ट्रिक्टरहरुलाई मायाको चिनोले सम्मान गरिएको थियो । वर्ष २२÷२३ का अध्यक्ष अपेक्षा श्रेष्ठले विभिन्न अवार्डहरु प्रदान गरेकी थिइन् । निवर्तमान अध्यक्ष श्रेष्ठले वर्ष २२÷२३ का कार्यक्रम विवरण पेश गरेकी थिइन् । वर्ष २०२३\२४ का अध्यक्ष सुरजले आफ्नो भावी योजना प्रस्तुत गरेका थिए ।

रोटरी इन्टरनेशनल डिष्ट्रिक्ट ३२९२ का डिष्ट्रिक्ट रोट्र्‍याक्ट प्रतिनिधि कार्की, रोटरी इन्टरनेशनल डिष्ट्रिक्ट ३२९२ का पूर्वडिष्ट्रिक्ट गर्भनर रविन्द्र कुमार पिया र चितवन उद्योग संघका अध्यक्ष त्रिलोचन कँडेलको उपस्थिति रहेको थियो।

साथै रोटरी क्लब अफ भरतपुरका अध्यक्ष विवेक श्रेष्ठ, रोट्र्‍याक्टका संस्थापक दिवश श्रेष्ठ, टुईन रोट्र्‍याक्ट क्लब , रोट्र्‍याक्ट क्लब अफ डिल्लीबजार–काठमाडौंका अध्यक्ष पुकार अधिकारी, सिस्टर क्लबका अध्यक्ष लवि तिवारीलगायतले मन्तव्य व्यक्त गरेका थिए । कार्यक्रममा क्लबका उपाध्यक्ष अनिष काफ्लेले स्वागत मन्तव्य राखेका थिए भने वर्ष २०२३\२४ का अध्यक्ष भण्डारीको अध्यक्षतामा सम्पन्न भएको थियो ।