कावासोती ३ मा सेवाग्राहीको सहजताका लागि कार्यालयभित्रै निःशुल्क फोटोकपी ब्यवस्था

मीनाक्षी कंडेल कावासोती । पूर्वी नवलपरासीको कावासोती वडा नं तीनले सेवाग्राहीको सहजताका लागि कार्यालयभित्रै निःशुल्क फोटोकपी ब्यवस्था गरेको छ । वडा कार्यालयमा बिभिन्न कामले आउने सेवाग्राहीलाइृ फोटोकपी तथा आवश्यक निवेदनहरु बाहिर लेखाउनु जानुपर्ने बाध्यतालाई मध्यनजर गर्दै वडा कार्यालयले कार्यालयभित्रै निःशुल्क रुपमा फोटोकपी तथा निवेदन लेखिदिने गरेको हो । यसअघि भाडाको घरबाट सेवाप्रवाह गरेको वडा कार्यालयले पछिल्लो समय आफ्नै भवनबाट सेवाप्रवाह गरेसँगै कार्यालयमा आउने सेवाग्राहीको समस्या,समय र सहजताका लागि कार्यालयका कर्मचारीद्धारा उक्त सेवा दिदै आएको वडाअध्यक्ष डोरमान गिरीले जानकारी दिए । कावासोती तीन नगरपालिकाको सबैभन्दा धेरै जनसंख्या र घरधुरी हिसाबले पनि ठूलो भएको हुदाँ सेवाग्राहीको चाप बढ्न सक्ने सम्भावनालाई ध्यानमा राखी वडासदस्य र कर्मचारीद्धारा पालैपालो गरी सेवा उपलब्ध गराँउदै आएको अध्यक्ष गिरीले बताए ।

आवश्यक कागजपत्र फोटोकपी गर्दा बाहिर पाँचदेखि दश रुपैँया,निवेदनका लागि सयदेखि माथि रकम तिर्दै आएकी कावासोती ३ की ममता शर्माले सेवाग्राहीको सहजताका लागि वडा कार्यालयले निःशुल्क रुपमा उपलब्ध गराएको सेवाप्रति खुशी लागेको बताईन । सकरात्मक कार्यको प्रशंसा गर्दै उनले क्षणिक रुपमा मात्रै नभई र्दीघकालिन समयसम्म यस सेवासुविधाले निरन्तता पाउन सके थप प्रभावकारी हुने बताईन् । त्यस्तै कावासोती ३ की ७०बर्षीय भोलामाया बास्तोलाले वडाले दिएको निःशुल्क सेवाले जेष्ठ नागरिकलाई पनि थप सजिलो भएको बताईन् । ‘पहिले एउटा फोटोकपी गर्न,निवेदन लेखाउन बाहिर जानुपथ्र्यो,अहिले वडाले नै दिने गरेको रहेछ निशुल्क सेवाले म जस्ता जेष्ठ नागरिकलाई पनि थप सजिलो हुने भो’उनले भनिन । वडाले आफनो कार्यालयभित्रबाट गत मंसिर देखिनै निःशुल्क फोटोकपी तथा निवेदन लेखिदिने गर्दै आएको छ ।