हसौरा प्रिमियर लिग : जितवान ११ विजयी

कावासोती । कावासोतीको हसौरामा शनिबार भएको हसौरा प्रिमियर लिग अन्तरगतको खेलमा जितवान ११ विजयी भएको छ । केरुङ्गे खोला जाईन्टस बिरुध जितवान ११ ले ३ विकेटको जित निकालेको हो । टस जितेर ब्याटिङ गरेको केरुङ्गे खोला जाईन्टसले १८ ओभरमै अल आउट हुँदा जम्मा ७३ रन बनाएर जितवान ईलावेनलाई ७४ रनको सानो टार्गेट दिएको थियो । जसका लागि केरुङ्गे खोला जाईन्टसका ओपनर रेवन मगर र राजन महतो सस्तैमा आउट भएका थिए । जितवान ११ का कप्तानले तेस्रो ओभरमै सुरुवाती झट्का दिएपछी लगातार बिकेट गईरहेको थियो ।मध्यक्रमका ब्याट्समेन जगु क्षेत्रीले पारीलाई केही अगाडी बढाए पनि पुन कप्तान रानाले आफ्नो तेस्रो ओभरमा मिड बिकेटको क्षेत्रमा किरण क्षेत्रीको हातबाट क्याच गराउँदा क्षेत्री ब्यक्तीगत १५ रनमा आउट भएका थिए । त्यस्तै अर्का व्याटसमेन अदित राउतले १२ बल खेली ११ रन बनाएका थिए जसलाई गण्डकी प्रदेशका पुर्व कप्तान विशाल पोैडेलले कटेन बोल्ड वनाएका थिए भने अन्य ब्याटसमेनले दोहोरो अँक बनाउन सकेका थिएनन ।
बलिङ तर्फ कप्तान रानाले ३, दिवस भुसालले समान २ विश्नु न्योैपाने , विशाल पोैडेल र सनिम श्रेष्ठले समान १ , १ बिकेट लिँदा कावासोतीका जोन्टी रोट्स उपनामले चिनीने चन्डी भुसालले २ वटा सानदार रन आउट बनाएका थिए ।

झिनु लक्ष्य पछ्याएको जितवान ईलावेनले सहज तरीकाले ४ विकेटको जित निकालेको थियो । जसका लागि टिमका ओपनर सनीम श्रेष्ठले ११ बलमा १० रन किरण क्षेत्रीले १३ मा ७ रन साथै दिवस भुसालले २२ बल खेली सर्वाधीक १५ रनको पारी खेल्दा मध्यक्रमका व्याटसमेन चन्डी भुसालले १६ बलमा १२ रनको महत्वपुर्ण पारी खेलेका थिए त्यस्तै टिमका कप्तान कुमार रानाले २० बलमा ८ रन बनाउँदा टिमका सन्तोस सिलवाल र विस्नु न्योैपानेले आजिवित ४ र ३ रन बनाएका थिए ।बलिङ तर्फ केरेङ्गे खोला जाईन्टसका बलर केशब गिरी र विशाल डुम्रेले समान २ २ विकेट निकालेका थिए भने अर्का खेलाडी जगु क्षेत्रीले जितवानका कप्तान कुमारको बिकेट निकाल्दा राजा भट्टराईले १ विकेट निकालेका थिए ।

आजका खेलको मुख्य अम्पारको भुमीकामा रहनु भएका ४ न वडाका वडाध्यक्ष नारायण प्रसाद लोहोनीले ३ विकेट र महत्वपुर्ण ८ रन बनाएका जितवान टिमका कप्तान कुमार रानालाई म्यान अफ दी म्याच घोषित गर्नु भएको थियो । यो सँगै लिगको शिर्ष स्थानमा केरेङ्गे खोला जाईन्टस ३ खेलमा २ जित सहित ४ अँकमा छ ।

लिगको अर्को गेम सोमबार जानकी वारियर्स र जितवान ११ को १ बजे हसोैरा किर्केट मैदानमा हुने कावासोती ४ युवा सँजालका उपाध्यक्ष सुशान्त पोख्रेलले बताउनु भयो ।