नवलपुर प्रहरी कार्यालयमा बन्यो भगवती मन्दिर

कावासोती । नवलपरासी पूर्व नवलपुर प्रहरीले कार्यालय परिसरमा कालिका भगवती मन्दिरको स्थापना गरी उद्धघाट्न गरेको छ । कला, धर्म संस्कृतिको संरक्षणसंगै आम नागरिकको भक्ति भावलाई कार्यालयले ध्यानमा राखी शुक्रबार एक औपचारीक कार्यक्रमको आयोजना गरी कार्यालय परिसरमा निमार्ण गरिएको मन्दिरको उद्धघाटन गरिएको हो । जिल्ला प्रहरी कार्यालय नवलपुरका प्रहरी उपरीक्षक भुवनेश्वर तिवारीको अध्यक्षतामा आयोजित कार्यक्रममा प्रमुख जिल्ला अधिकारी कल्पना श्रेष्ठको प्रमुख आतिथ्यता रहेको थियो । कार्यक्रमलाई सम्बोधन गर्दै प्रमुख जिल्ला अधिकारी श्रेष्ठले कार्यालय परिसरमा धार्मिक कला संस्कृति संरक्षणसँगै,मन्दिर स्थापना कार्य सह्रायिन रहेको बताईन् । त्यस्तै उनले जिल्ला प्रहरी कार्यालय नवलपरासी बर्दघाट सुस्ता पूर्वबाट राष्ट्रिय प्रहरी प्रशिक्षण प्रतिष्ठान प्रशासन शाखा महाराजगंज, काठमान्डौ सरुवा भई जान लागेका प्रहरी उपरीक्षक भुवनेश्वर तिवारीको क्रियाशिलता,लगाव र सहज समवन्यले जिल्लामा शान्ति सुरक्षा कार्य गतिविधिमा देखिएका समस्या चुनौतीलाई पहिचान गरी समाधान प्रकृयामा प्रमुख तिवारीले खेलेको भुमिकाको चर्चा गर्दै थप कार्य कुशलताको शुभकामना व्यक्त गरेकी थिईन ।

आयोजित कार्यक्रममा मन्दिर निर्माण कार्यमा सघाउ पुर्याउने बिभिन्न सहयोगी दातालाई सम्मान पत्रद्धारा धन्यवाद व्यक्त गरिएको थियो । जिल्लामा रहेका राजनैतिक,शैक्षिक,नागरीक समाजका अगुवा,वुद्धिजीवी,सञ्चारकर्मी लगायतको सहभागिता रहेको कार्यक्रमको समापन गर्र्दै प्रहरी उपरीक्षक तिवारीले राष्ट्रिय प्रहरी प्रशिक्षण प्रतिष्ठान प्रशासन शाखा महाराजगंज, काठमाण्डौ सरुवा भई जान लागेको जानकारी गराउदैँ नवलपुर बसाईका क्रममा शान्ति सुरक्षा तथा कार्यालयबाट प्रवाह हुने सेवासुविधा सहज रुपमा उपलब्ध गराउन सबै बर्गको सकरात्मक साथ पाएको सुनाएका थिए । उनले जिल्लामा हुने बिभिन्न प्रकतिका घटना न्यूनिकरण गर्दै राजश्व संकलनवृद्धि गर्नुका साथै जिल्ला प्रहरी कार्यालय परिसरमा स्थानीय पर्यावरण, जैविक विविधता, सांस्कृतिक, धार्मिक महत्व झल्काउने बिभिन्न गतिविधि अपनाई बातावरणीय स्वरुप नै फरक बनाएको बताए ।

कार्यालयमा कार्यरत कर्मचारीको सकरात्मक साथ, लगाव जागरुक स्वभावको प्रतिफलले नै आफू अघि बढ्न सफल र सफलताको प्रमुख देन कर्मचारीको लगनशिलता रहेको बताए । त्यस्तै सो मन्दिर विभिन्न संघसंस्था र व्यक्तीहरुको आर्थिक र जिन्सी सहयोग तथा श्रमदानबाट निर्माण सम्पन्न भएको हो ।