कावासोती नगरपालिकाद्धारा डण्डा बजार अनुगमन

कावासोती । नवलपुरको कावासोती नगरपालिका –१६, स्थित डण्डा बजारमा अनुगमन गरिएको छ । कावासोती नगरपालिका मार्फत खाद्यान्न पसल, फलफूल पसल, मासु पसल लगायतको अनुगमन गरिएको अनुगमन संयोजक दिनेश भण्डारीले बताए ।पसलमा मूल्य सूची राखे नराखेको, पसल दर्ता तथा नवीकरण लगायतका कागजात भए नभएको, म्याद गुज्रिएका सामाग्री भए नभएको, सरसफाइमा ध्यान दिए नदिएको लगायतको अनुगमन गरिएको अनुगमन संयोजक भण्डारीले बताए ।कावासोती नगरपालिका नगर उप प्रमुख फूलकुमारी थनेत सहित जिल्ला प्रशासन, जिल्ला प्रहरी, उद्योग वाणिज्य संघ, उपभोक्ता हकहित संरक्षण मञ्च लगायतका प्रतिनिधि सम्मिलित अनुगमन टोलीले बजार अनुगमन गरेको हो ।

अनुगमनका क्रममा आवश्यकता अनुसारको सचेत गराउने काम गरिएको संयोजक भण्डारीले बताए ।अनुगमनमा सहभागि नगर उप प्रमुख थनेतले अनुगमन पश्चात सबै उपभोक्ता समेत सचेत रहनुपर्ने बताए । आफूले प्रयोग गर्ने वस्तुको मूल्य, म्याद सकिएको छ , छैन त्यसको यकिन गरि मात्र खरिद र उपभोग गर्नुपर्ने उप प्रमुख थनेतले भनिन् । खाद्यान्न वस्तुको प्रयोगमा उपभोक्ता स्वयं सचेत हुन आवश्यक रहेको समेत उनले बताईन्