पहाडि क्षेत्र बोझापोखरीमा टेलिफोनको टावर सञ्चालनको तयारीसंगै एफटिटीएचको सर्वे

कावासोती  । नेपाल टेलिकमको सेवाका पहुँच नपुगेको नवलपुरको पहाडि भेग बुलिङटारमा टेलिफोनको टावर निमार्ण संगै सेवा सञ्चालनको तयारी भएको छ । वडा नं ४ को बोझा पोखरी,  वडा नं १ को लामटार डाँडामा नयाँ टावर र बुलिङको टावरको क्षमता विकासका काम भइरहेको नेपाल टेलिकम कावासोतीका प्रमुख निरोज घिमिरेले बताए  । बोझा पोखरीको टावर हप्ता/दश दिनमा सञ्चालन हुन्छ वडा नं १ को टावरको काम निर्माणको शुरुवातीमा रहेको छ  प्रमुख घिमिरे भने ­‘सबै क्षेत्रबाट सहयोग पाएकाले काममा सहज भएको छ ’ ।

कालीगण्डकी कोरिडोर सडक आसपास  र पर्यटकीय ठाउँ देवचुली डाँडाको काखका गाउँहरूमा सञ्चार सेवा नपुगेकाले सरकार संग टेलिकमका टावर निर्माणको माग गरेको र निर्माण हुँदा खुसी लागेको युवा नेता विद्रोही  गिरीले बताए । एक बर्ष अगाडि पृथ्वीसुब्बा गुरुङ सञ्चारमन्त्री भएका बेला एमालेका युवा नेता गिरीले  बुलिङटार गाउँपालिकाका तीन ठाउँमा टावर निर्माण तथा क्षमता विकासका लागि माग गरेका थिए ।

अब बोझा पोखरीका बासिन्दाले २जी र फोर जीका सुबिधाहरू पाउँछन् । अप्टिकल फाइवर सेवाका लागि समेत सर्वेको काम सकिएको छ । ग्रामीण दुरञ्चार विकास मार्फत बुलिङटार, डेढगाउँ हुदै रामपुर सम्मको सर्वे भएको  प्रमुख घिमिरेले बताए । यस पटक नयाँ टावर निर्माण र क्षमता बृद्धिको काम भएको छ  । अवको दिनमा सबैको साथ र  सहयोग हुँदा एफटिटीएचको कामले तीव्रता पाउने भएकाले सरोकारवाला क्षेत्रको साथ र सहयोग चाहिन्छ घिमिरे भने­‘ इन्टरनेट,टिभी,टेलिफोनको प्याकेज घरघरै पुर्याउन माग भएको छ त्यसमा पनि लाग्छौ’ ।

नवलपुरको पहाडि भेग संगै तराइका क्षेत्रहरूमा समेत टावरका निर्माण तथा मर्मत काम भइरहेको नेपाल टेलिकम कावासोतीले जनाएको छ ।