कावासोतीको बाडखोलामा बालक बेपत्ता

कावासोती । नवलपरासी पूर्व नवलपुरको कावासोतीमा खोलामा पौडी खेल्ने क्रममा एक जना बालक वेपत्ता भएका छन् । जिल्लाको कावासोती नगरपालिका ७ ,रामनगर टोलका १० वर्षीय बालक अप्सन अधिकारी बाडखोलामा पौडी खेल्ने क्रममा वेपत्ता भएका हुन् ।

शनिबार साँझ पौडी खेल्ने क्रममा उनि बेपत्ता भएका हुन् । शनिबार साँझदेखी बेपत्ता भएका उनको खोजी कार्य जारी रहेको छ । साथीहरुसँग पौडी खेल्न गएका उनिलाई खोलाले बगाएको हो ।

घरदेखि ५ सय मिटरको दुरीमा रहेको बाडखोलमा पौडी खेल्ने क्रममा बालक बेपत्ता भएको र खोजी भइरहेको जिल्ला प्रहरी कार्यालयले जानकारी दिएको छ ।