गंगा बिश्वकर्मा
चोरमारा । पोषण संबेदनशील कृषि सेवाहरुको पहुंच बढाउनका लागि निजी कृषि सेवा प्रादयकहरु तथा सरोकारवालाहरुसंग अन्र्तक्रिया योजना गोष्ठी शुक्रवार मध्यविन्दु–८ ल्होसेधारामा सम्पन्न भएको छ ।
सुआहाराको आयोजना सञ्चालन भएको कार्यक्रम ग्रमिण नमुना कृषक संजाल मध्यविन्दुका अध्यक्ष शेर वहादुर महत्तोको अध्यक्षता एबं नगरपालिका उपप्रमुख ओमकुमारी महत्तोको प्रमुख आतिथ्यतामा सम्पन्न भएको हो ।
कार्यक्रममा बोल्दै प्रमुख अतिथी नगर उपप्रमुख महत्तोले नगरपालिका सुआहाराले सञ्चालन गरेको पोषणको कार्यक्रम निकै प्रसंसा योग्य रहेको बताउनुभयो । उहाले नगरभित्र रहेका सुनौला हजार दिनका आमालाई पोषणयुक्त खानाका लागि सहयोग गरेको भन्दै नगरपालिकाको सहकार्य निरन्तर रहने बताउनुभयो ।
त्यस्तै कार्यक्रममा बोल्दै कार्यक्रमका अध्यक्ष शेर वहादुर महत्तोले व्यबसायिक कृषकहरु उत्पादन गर्नका लागि सक्रिय कृषकहरुलाई बिभिन्न माध्ययमबाट प्रोत्साहन गर्नुपर्ने बताउनुभयो । अध्यक्ष महत्तोले कृषकहरुले समयमा बिउ बिजन मल नपाउने समस्या यथाबत नै रहेकोले त्यसतर्फ ध्यान पुराउनका लागि सरोकारवालाई ध्यानार्कषण गराउनुभयो ।
कार्यक्रमको सहजिकरण गर्नुहुदै सुआहारा केन्द्रका दिपक शर्मा र जिल्ला कार्यक्रम संयोजक कृष्ण गुरुङले कृषि बजारीकरण उत्पादनका बारेमा प्रशिक्षण दिइएको थियो । कृषकहरुले उत्पादन गरेका बस्तुहरुको बिक्री बितरणका लागि सरोकारवालाहरुलाई ध्यानार्कषण गराउनका लागि उहाहरुले आग्रह गर्नुभएको थियो । प्राबिधिक कारणले समेत कृषकहरुको उत्पादनमा सोचेअनुरुपको फल प्राप्त गर्न नसकेको भन्दै त्यसतर्फ पनि ध्यान पुराउनुपर्नेमा जोड दिनुभयो ।
दर्पण एफ एम संग कुराकानि गर्नुहुदै सुआहाराका नवलपुर जिल्ला प्रमुख सिता शर्माले सुआहारले सञ्चालन गरेका कार्यक्रमहरुलाई अझ प्रभाबकारी बनाउने बताउनुभयो ।
सो अबसरमा नगरपालिका प्रमुख प्रशाशकिय अधिकृत नारायण प्रसाद साप्कोटा, कार्यपालिका सदस्य सिता पाठक देबकोटा, कृषी ज्ञान केन्द्र नवलपुरका प्रमुख गोपाल शर्मा लामिछाने, पशु बिज्ञ केन्द्रका प्रमुख गायत्री राज वाग्ले, सुआहारा केन्द्रका दिपक शर्मा, सुआहारा नवलपरासीका कृष्ण गुरुङ, कृषि प्राबिधिक अर्जुन श्रेष्ठ,मध्यविन्दु नगरपालिका कृषि अधिकृत यक्ष वाग्ले लगायतकाको आतिथ्यता रहेको थियो ।
सो अबसरमा जिल्लाका मध्यविन्दु नगरपालिका, बुलिङटार गाउपालिका र बिनयी त्रिबेणी गाउपालिकाका एग्रोभेट सञ्चालक तरकारी पसल सञ्चालक गरि करिब ३५ जनाको सहभागिता रहेको मध्यविन्दु नगरपालिका सहजकर्ता शकुन्तला नेपालीले जानकारी दिनुभयो ।
बेस नेपाल सुआहाराका फिल्ड संयोजक शालिक पोख्रेलको स्वागत मन्तव्य रहेको कार्यक्रमको सञ्चालन सुआहाराका नवलपुर जिल्ला प्रमुख सिता शर्माले गर्नुभएको थियो ।
