कावासोती । पूर्वि नवलपरासीको इलाका प्रहरी कार्यालय दुम्किबासले मध्यरातमा लाखौं मुल्य बराबरको अबैंध मोवाइल सहित दुई जनालाई पक्राउ गरेको छ ।
इलाका प्रहरी कार्यालय दुम्किबासको प्रहरीले जिल्लाको विनयीत्रिवेणी गाउँपालिका १ स्थित राजमार्गबाट विभिन्न ब्राण्डका ५ सय ९५ थान मोबाइल सेट बरामद गरेको जिल्ला प्रहरी कार्यालय नवलपुरका डिएसपी दिलिप कुमार गिरीले जानकारी दिए । बरामद भएका मोबाइलको बजार मुल्य करिव ७८ लाख रुपैँया पर्ने उनले बताए ।
ईलाका प्रहरी कार्यालय दुम्कीबासका प्रहरी निरिक्षक हिक्मत बहादुर थापाको कमाण्डमा खटीएको टोलिले गएराति (बिहिबार) ११ वजे पश्चिमबाट पूर्वतर्फ जान आउदै गरेको प्रदेश ३– ०१– ०२३– च –५५४४ नम्बरको गाडीलाई चेकजाँच गर्ने क्रममा अवैध रुपमा मोबाइलको ओसारपसार हुने गरेको फेला परेको हो ।
भन्सार छलेर मोबाइल ल्याउने चितवन जिल्ला भरतपुर महानगरपालिका वडा ८ का अर्जुन शर्मा भनिने अर्जुन ढकाल र भरतपुर २१ का ईन्द्रलाल श्रेष्ठलाई प्रहरीले नियन्त्रणमा लिएको छ । ढकाल नारायणगढको ‘ए एण्ड के’ मोवाइलका संचालक रहेको प्रहरीले जनाएको छ । शर्माले यसअघि पनि मोवाइलको अबैध काम गर्ने गरेको पाइएको प्रहरीको भनाई छ ।
बरामद गरिएका अवैध मोबाइल आजै भन्सार कार्यालय पठाउने प्रहरीको तयारी छ । रेडमी, रियल मि, पोको, नोकिया लगायतका कम्पनीका मोवाइलको अवैध कारोवार उनिहरुले गर्ने गरेको भेटिएको छ । उनिहरु दुवैजनालाई दुम्कीबास प्रहरीको हिरासतमा राखिएको छ । पश्चिम नवलपरासीको नाकाबाट अवैध रुपमा भन्सार छलेर सामानहरु भित्रन थालेपछि नवलपुर प्रहरीले चेकजाँचलाई कडा पारेको छ ।
मिड पोइन्ट रिसर्च,इभेन्ट एण्ड मिडियाद्वारा संचालित
नमुना पोष्टडट कम का लागि
कावासोती - ३ नवलपुर
9867130145
[email protected]
सूचना विभाग दर्ता नम्बर: ४२६०-२०८०/२०८१