नवलपुरको यातायात कार्यालयमा कर्मचारीको अभाव, १८ दरवन्दीमध्ये ७ जनामात्रै कार्यरत

मीनाक्षी कंडेल नवलपुर। पूर्वी नवलपरासी नवलपुरको यातयात कार्यालयमा कर्मचारी अभाव हुँदा समस्या भएको छ । प्रदेश निजामती  ऐनले आर्थिक बर्षदेखि करारमा कर्मचारी नियूक्ति नगर्ने ब्यवस्था अनुसार कार्यालयमा कार्यरत छ जना करारका कर्मचारी हटेसँगै थप कर्मचारीको अभाव देखिएको हो । कार्यालयमा आवश्यक कर्मचारी पदपूर्ति नहुदाँ सीमित कर्मचारीले कार्यालय समयभन्दा पछाडि समेत सेवाहग्राहीलाई सेवा दिदैँ आएको यातयात कार्यालय नवलपुरका प्रमुख टेक बहादुर घर्ती मगरले जानकारी दिए । त्यस्तै उनले कार्यालयमा १८ जनाको दरबन्दी रहेतापनि हाल कार्यालयमा ७ जना कर्मचारीले पालैपालो बिहान बेलुकाको समयमा ट्रायल लिखित परिक्षा लिने गरेको प्रमुख घर्तिले बताए ।

सीमित कर्मचारीका कारण कार्यालयमा कार्यरत हाल कर्मचारीलाई धौडधुप साथै कामको तनाव त छदैँ छ,उता सेवाग्राहीलाई समयमा सेवा उपलब्ध गराउन कठिन भएको घर्तिले बताए । लामो समयदेखि दरबन्दीका कर्मचारी नपाएको यस कार्यालयले करारका कर्मचारी नियुक्ति गरी सेवासुविधा उपलब्ध गराउदैँ आएकोमा आर्थिक बर्षदेखि करार कर्मचारी नियुक्ति नगर्ने ब्यवस्थासँगैँ सेवा लिन आउने सेवाग्राहीलाइ सेवामा बिलम्व र कार्यालय परिसरमा भिडभाड बढ्नुका साथै कार्यरत स्थायी सात कर्मचारीलाई थप कामको जिम्मेवारी बढेको बताईएको छ ।