कावासोतीका दुग्ध उत्पादन किसानलाई प्रतिलिटर १ रुपैया प्रोत्साहन

कावासोती । कावासोती नगरपालिकाले दुग्ध उत्पादन कृषकलाई प्रोत्साहन रकम प्रदान गर्ने भएको छ । आर्थिक वर्ष २०७६/७७ को बजेट प्रस्तुत गर्दै कावासोती नगरपालिका उप प्रमुख पे्रम शंकर मर्दनिया थारुले दुग्ध उत्पादक किसानकालागि प्रतिलिटर दुुधमा एक रुपैया प्रोत्साहन दिन बजेट व्यवस्थापन गरेको बताएका छन् । यस्तै माछापालन तथा मौरिपालक किसानकालागि प्रोत्साहनका कार्यक्रमहरु संचालन गर्ने बताएका छन् । कृषकहरुका लागि कम्तिमा ५० प्रतिशत अनुदानमा मल ,बीउ,औजार ,उपकरणहरु प्रदानका कार्यक्रमहरु सञ्चालन गर्न बजेटको व्यवस्थापन गरिएको छ ।