काठमाडौं आउँदै गरेका बस धादिङमा दुर्घटना, १३ जना घाइते

काठमाडौं । सर्लाहीबाट काठमाडौं आउँदै गरेको बस धादिङमा दुर्घटना भएको छ । ना७ख ३२४० नम्बरको बस बिहीबार बिहान ५ बजे पृथ्वी राजमार्ग अन्तर्गत धुनिबेसी–८ खहरेखोलामा दुर्घटना भएको हो ।

दुर्घटनामा १३ जना घाइते भएको जिल्ला प्रहरी कार्यालय धादिङका प्रवक्ता प्रकाश विष्टले जानकारी दिनुभयो । घाइते हुनेमा ११ जना पुरुष र २ जना महिला रहेका छन् ।

घाइतेको अवस्था सामान्य रहेकाले स्थानीय अस्पतालमा उपचार भइरहेको विष्टले जानकारी दिनुभयो ।