डेढ महिनामा थपिए साठी नयाँ उद्योग

दयाराम आचार्य /नमुना सन्देश
कावासोती । घरेलु तथा साना उद्योग कार्यालय स्थापना भएको डेढ महिनामा नवलपुरमा साठी वटा नया उद्योग थपिएका छन् । गएको चैतबाट कावासोतीमा रहेर सेवा प्रदान गर्दै आएको घरेलु तथा साना उद्योग कार्यालयमा चैत महिनामा मात्रै ४२ वटा नया“ उद्योग थपिएका छन् । बाणिज्य तर्फ ४८ वटा नया“ व्यवसाय थपिएका छन् । बैशाख महिनाको २० गते सम्ममा उद्योग र बाणिज्य तर्फ समान १८ वटा उद्योग ,व्यवसाय थपिएका छन् । यस अघि परासीमा रहेर सेवा प्रदान गर्दै आएको घरेलु कार्यालयले कावासोतीबाट सेवा प्रदान गर्न थाले संगै उद्योग ,व्यवसाय गर्नेहरुलाई सहजता समेत भएको छ । यस कारण यहा“ नया“ उद्योगमा लगानी गर्ने क्रम बढेको छ । गण्डकी प्रदेश सरकारले नवलपुरलाई औधोगिक ग्रामको रुपमा विकास गर्ने बताईरहदा यस क्षेत्रमा सोही अनुसारका उद्योगहरु थपिने क्रम समेत बढदै गएको घरेलु तथा सना उद्योग कार्यालय नवलपरासी पूर्वका प्रमुख नारायण प्रसाद गौतमले बताए । चैत महिनामा थपिएका नया“ ४२ वटा उद्योगमा रु. नौ करोड ५५ लाख ७९ हजार ९०० पुजी लगानी भएको छ । नया“ उद्योग संचालन गर्नेमा ८ जना महिला उद्यमी रहेका छन् । दर्ता भएका नया“ उद्योगबाट एक सय १२ जनाका लागि रोजगार सिर्जना हुने प्रमुख गौतमले बताए । घरेलु तथा साना उद्योग कार्यालयले चैत महिनामा उद्योग र बाणिज्य तर्फ नया“ दर्ता, नविकरण ,पुजीबृद्धी, नामसारीबाट रु १८ लाख १९ हजार ३०० राजश्व संकलन गरेको छ । वैशाख महिनाको २० गते सम्ममा करिब रु.१० लाख राजश्व संकलन भएको प्रमुख गौतमले बताए ।
नया“ थप भएका उद्योगमा पशुपालन र कृषि सम्बन्धी धेरै रहेको कार्यालयले जनाएको छ । नया“ दर्ता भएका ६० वटा उद्योगमा करिब ४५ वटा पशुपालन र कृषि संम्बन्धी रहेको कार्यालय प्रमुख गौतमले बताए । सरकारले पशुपालन र कृषिमा लगानी गर्नेलाई बिशेष अनुदान लगाएतका बिभिन्न सहुलियत प्रदान गर्ने भएकाले जिल्लामा यससम्बन्धी नया“ उद्योग धेरै थपिएको उनले बताए । ‘सरकारले युवा रोजगारलाई प्रोत्साहन गर्ने गरि कार्यक्रम ल्याएकाले उनिहरु कृषि र पशुपालनमा धेरै आकर्षीत भएका छन् ’ गौतमले भने । केही नया“ उद्योगका रुपमा प्रविधि संग सम्बन्धीत उद्योगहरु दर्ता भएको छ । नवलपुरमा २०७५ फागुन सम्म पुराना दर्ता भएको उद्योगको संख्या २ हजार ९५१ वटा रहेका छन् । बाणिज्य तर्फ ५ हजार दुई सय रहेको कार्यालय प्रमुख गौतमले बताए ।
रु. तीन करोड सम्म पुजी भएका उद्योग,व्यवसायको दर्ता घरेलु तथा साना उद्योग कार्यालयले गर्दै आएको छ । लघु उद्यमबाट परिवारमात्र निर्भर हुने हुदा अहिले आफुहरुले साना र मझौला उद्योग स्थापनाका लागि जोड दिएको प्रमुख गौतमले बताए । ‘लघु उद्यम भन्दा अहिले हामी साना र मझौला उद्योग स्थापनाका लागि प्रोत्साहान गर्दै छौ, यसका लागि बिभिन्न शिप विकासका कार्यक्रम समेत संचालन गरिरहेका छौ’ प्रमुख गौतमले भने – लघु उद्यममा एक परिवारमात्र निर्भरहुन्छ, साना तथा मझौलामा धेरै रोजगारको शिर्जना हुन्छ , राजश्व समेत धेरै संकलन हुन्छ ,यसैले हामी यस्ता उद्योग स्थापनामा जोड दिएका छौ ।
नवलपरासी पश्चिममा घरेलुको कार्यालयहुदा पूर्वी नवलपुरमा कार्यालयको गतिविधि शुन्य जस्तै रहेको थियो । अहिले कावासोतीमा कार्यालय स्थापना भए संगै कार्यालयले यस क्षेत्रमा बिभिन्न शिप विकासका तालिमहरु समेत संचालन गर्दै आएको छ । कार्यालयले पहिलो पटक जिल्लाको पहाडी क्षेत्र बुलिङटार, बौदीकाली , हुप्सेकोटमा शिप विकासको तालिम समेत संचाल गरको कार्यालय प्रमुख गौतमले बताए । कार्यालयले उद्योग प्रर्वदन गर्ने, नया“ उद्योग दर्ता गर्ने, शिप विकासका तालिमहरु प्रदान गर्ने लगाएतका कार्यहरु गर्दै आएको छ ।
त्रिवेणी –कोरला संडक निर्माण गर्ने सरकारले बताईरहदा भारतीय सिमा संगै नजिक पर्ने , देशकै मध्यभागमा समेत पर्ने भएकाले यहा“ उद्योग स्थापना गरि देशै भर सहज रुपमा व्यापार गर्न सक्ने भएकाले पनि लगानीकर्ता यहा“ आकार्षीत भएको नवलुर उद्योग बाणिज्य संघका अध्यक्ष डासुराज पोखरेलले बताए । जिल्लामा उद्योग प्रर्वद्धनका लागि यस अघि घरेलु तथा साना उद्योग कार्यालयको उपस्थिती पातलो भएकोमा अब यस क्षेत्रमानै कार्यालय स्थापना भए संगै उद्योग ,व्यापारका गतिविधि समेत स्वतह बढने अध्यक्ष पोखरेलले बताए ।