किशोरीका समस्याहरु समाधानको लागि किशोरीहरुको अर्थपूर्ण सहभागिता र शसक्तिकरण आवश्यक

दिपक शर्मा
नवलपुर । हाम्रो समाजमा अझै पनि किशोर र किशोरीहरुबिच बिभिन्न बहानामा असमानताहरु व्याप्त रहेको पाउदछौ । यस्ता असमानताहरु र उनीहरुमा रहेको समस्याहरुको समाधानको लागि पनि किशोरीहरुको शसक्तिकरण आवश्यकता रहेको सवै पक्षहरुलाई थाहा रहेको छ ।
वर्तमान समयमा हेर्दा हाम्रा समाजमा रहेको असमानताहरुको अन्त्य नभएको र यसको न्युनिकरणको लागि राज्यपक्षबाट र बिभिन्न संघसंस्थाहरु बिभिन्न अभियानहरु र कार्यक्रमहरु समेत सञ्चालनमा आएका छन् ।
यसरी किशोरीहरुमाथी भएको असमानताहरुको अन्त्यको लागि भने स्वयम किशोरीहरुको अर्थपूर्ण सहभागिता र शसक्तिकरण आवश्यकता रहेको नवलपुर देवचुलीका किशोरीहरुले बताएका छन् । जागृति बाल तथा युवा सरोकार नेपालद्धारा कन्नालन स्विजरल्याण्डको सहयोगमा किशोरी शसक्तिकरण कार्यक्रम अन्तर्गत किशोरीहरुको क्षमता अभिबृद्धी गरी किशोरी अभियन्ताको रुपमा उनीहरुको सहभागितामा समाजमा रहेको असमानताहरुको अन्त्यको लागि कार्यहरु सुरु गरेको छ ।
नगरपालिकाका सवै वडाहरुबाट समान रुपमा सहभागिता हुने गरी ३० जना किशोरीहरुको विद्यालयस्तरबाट र समुदायस्तरबाट छनौट गरीएको र उनीहरुलाई बिभिन्न विषयहरुको प्रशिक्षक प्रशिक्षण तालिम सञ्चालन गर्ने र सो तालिमबाट सिकेको विभिन्न सिपहरुको प्रयोग गरी समाजमा रहेको असमानताको न्युनिकरणको लागि अभियानहरु र कार्यक्रमहरु गर्ने योजना निर्माण भएको जागृति बाल तथा युवा सरोकार नेपालका अध्यक्ष तिलोत्तम पौडेलले बताउनुभयो ।

हाम्रो समाजमा अझै पनि असमानताहरु रहेको र सो को समस्या समाधानको लागि समेत आफुहरुको क्षमता विकासको लागि बिभिन्न तालिमहरु आवश्यक रहेको कुरा नेपाल नमुना माध्यमिक विद्यालय देवचुली १ मा कक्षा ९ अध्ययनरत रितिका पोख्रेल बताउनुहुन्छ ।

तालिमहरुले हामीलाई नयाँ सिपहरु सिक्न र समस्याहरुको पहिचानमा समेत सहज हुने र सो बाट समस्या समाधानको उपायहरु समेत थाहा हुने भएकोले यसको बिशेष महत्व रहने कालिका माध्यमिक विद्यालय कक्षा ९ मा अध्ययनरत पवित्रा क्षत्री बताउनुहुन्छ ।

किशोरीहरुलाई हुन सक्ने हिंसाका स्वरुपहरु र यसको समाधानको लागि सवैभन्दा नजिक र टाढा हुन सक्ने क्षेत्रहरु समेत पहिचान गर्न सकेकोले यसको सही समस्या समाधानको लागि समेत सहयोग पुगेको कुरा देवचुली मावि कक्षा ११ मा अध्ययनरत विद्या ढुँगाना बताउनुहुन्छ ।

आफुलाई परेको समस्याहरु सवैभन्दा पहिला अभिभावकलाई भन्नुपर्ने र त्यसपछि समाजमा सहयोग गर्ने अन्य सरोकारवालाहरुलाई समेत सहयोग माग्न सकीयो भने समस्याहरुको सही समाधान हुने कुराको ज्ञान भएको वरचुली माविका कक्षा ११ की निरुता क्षत्रीले बताउनुभयो ।

समाजमा रहेको विभिन्न असमानताहरुको अन्त्यको लागि समेत नेपाल सरकारले आजकै दिनबाट नै राष्ट्रिय महिला अधिकार दिवसको रुपमा मनाउन सुरु गरेको छ । समाज भित्रका बिभिन्न तहहरुमा महिलाहरुको नेतृत्व विकासले समेत किशोरीहरुको आत्मविश्वास बढ्ने र भोलिका लागि समेत वर्तमानमा आफ्नो क्षमता विकास गर्न सहज हुने कुरा सहभागि किशोरीहरुको विश्वास रहेको छ ।