भारत नियन्त्रित कश्मीरमा २ लडाकू मारिए   

श्रीनगर, (भारत)  (रासस- सिन्ह्वा) ।    भारत नियन्त्रित काश्मिरमा प्रहरीले बुधबार यस क्षेत्रमा भएको गोली हानाहानमा दुई आतङ्ककारीको मृत्यु भएको जनाएको छ। भारत नियन्त्रित कश्मीरको ग्रीष्मकालीन राजधानी श्रीनगर शहरको रैनावरी क्षेत्रमा गोली हानाहान भएको हो । “आज बिहान शहरको रैनावरी क्षेत्रमा आतङ्ककारी र प्रहरी र अर्धसैनिकको संयुक्त टोलीबीच गोली हानाहान भएको थियो । विद्रोहीहरुको उपस्थिति रहेको सूचना दिने विशेष गुप्तचर सूचनाका आधारमा सरकारी सेनाको टोलीले सो क्षेत्रलाई घेरा हालेको थियो। झडपमा सरकारी सेनालाई कुनै क्षति नभएको प्रहरीले जनाएको छ । मारिएका लडाकुहरू स्थानीय कार्यकर्ताको रूपमा चिनिएका छन्। कश्मीर भारत र पाकिस्तान बीच विभाजित हिमालय क्षेत्र, दुबैले पूर्ण रूपमा दाबी गर्दै आएका छन्। बेलायतबाट स्वतन्त्र भएदेखि विशेष गरी कश्मीरमा दुई देशले तीनवटा युद्ध लडेका छन् ।