मानव अधिकार सम्बन्धि अभिमुखिकरण कार्यक्रम सम्पन्न

कावासोती । विनयी त्रिवेणी गाउँपालिकामा मानव अधिकार सम्बन्धि अभिमुखिकरण काaर्यक्रम मंगलबार सम्पन्न भएको छ । अनौपचारिक क्षेत्र सेवा केन्द्र (इन्सेक) नवलपुरको आयोजना, विनयी त्रिवेणी गाउँपालिकाको सहयोग र मानव अधिकार समूह विनयी त्रिवेणी गाउँपालिकाको सहकार्यमा आयोजित कार्यक्रममा विनयी त्रिवेणी गाउँपालिका वडा नंं. ६ र ७ का सरोकारवालाहरुको सहभागिता रहेको थियो ।

कार्यक्रममा इन्सेक नवलपुरका जिल्ला प्रतिनिधि तिर्थराज डुम्रेले मानव अधिकारको बारेमा अभिमुखिकरण गर्नु भएको थियो । मानव अधिकार सम्बन्धि महासंघ, विभिन्न अभिसन्धीको बारेमा छलफल सञ्चाल गर्नु भएको उहाँले मानव अधिकार संरक्षणको लागि सबै सरोकारवालाहरु एकबद्ध बन्न आवश्यक रहेको बताउनु भएको थियो । उहाँले कार्यक्रममा नागरिक तथा राजनितिक अधिकार र आर्थिक, सामाजिक तथा सांस्कृतिक अधिकारको प्रस्तुतिकरण गर्नु भएको थियो । यस्तै अपराधका घटना र मानव अधिकारमा के फरक छ भन्ने विषयमा सहभागीहरु संग सहभागिता मुलक छलफल गराउनु भएको थियो ।

कार्यक्रममा प्रमुख अतिथि विनयी त्रिवेणी गाउँपालिकाका उपाध्यक्ष मिना कुमारी रानाले मानव अधिकार सबैको लागि समान भएको बताउनुभयो । मानव अधिकार संरक्षणको लागि विनयी त्रिवेणी गाउँपालिकाले विभिन्न कार्यक्रमहरु सञ्चालन गर्दै आएको बताउदै उहाँले इन्सेकसंगको सहकार्यमा मानव अधिकारको बारेमा अभिमुखिकरण गरिरहेको बताउनुभयो । गाउँपालिका मार्फत बालबालिका, जेष्ठ नागरिक, महिला, अपाङ्गता भएका व्यक्ति, लक्षित समुदायहरुको लागि बजेट विनियोजन गरेर उनिहरुको अधिकार प्रत्याभूति गराउन निरन्तर सहयोग गरिरहेको बताउनुभयो ।

विनयी त्रिवेणी गाउँपालिका वडा नं. ६ का वडा अध्यक्ष प्रितम गुरुङले मानव अधिकार संरक्षणको लागि सबै पक्षको सहकार्य आवश्यक रहेको बताउनुभयो । विगतमा प्रकृतिसंग जिवनयापनको लागि संघर्ष गरेको मानवले क्रमश आफ्नो चेतनाको बिकास संगै मानव अधिकारको विषय आएको भन्दै मानवलाई सम्मान पूर्वक बाच्नको लागि मानव अधिकार आवश्यक रहेको बताउनुभयो ।

विनयी त्रिवेणी गाउँपालिका वडा नं. ७ का वडा अध्यक्ष गोपाल बहादुर क्षेत्रीले नागरिक तथा राजनितिक अधिकारको प्राप्ति संगै आर्थिक समाजिक तथा सांस्कृतिक अधिकारको विषय आम मानिसको जिवनसंग प्रत्यक्ष जोडिने बताउदै यसको सवालमा निरन्तर रुपमा जनता सम्म सचेतना पु¥याउन आवश्यक रहेको बताउनु भएको थियो ।

मानव अधिकार समूह विनयी त्रिवेणीका अध्यक्ष धर्म बहादुर जि.सी.को अध्यक्षतामा भएको कर्यक्रमको सहजिकरण इन्सेक जिल्ला सहजकर्ता गंगा विश्वकर्माले गर्नु भएको थियो ।