सहकारी स्थापना दिवशका अवसरमा ४० जनाले गरे रगतदान

कावासोती । गौरीशङकर बचत तथा ऋण सहकारी संस्था लिमिटेडले शुक्रबार वृहत्त रक्तदानको आयोजना गरेको छ । संस्थाको ११ औँ स्थापना दिवशका अवसरमा सामाजिक उत्तरदायित्व अन्तरगत संस्थाले शुक्रबार कार्यालय परिसरमा एक औपचारिक कार्यक्रमका बीच वृहत रक्तदान कार्यक्रम आयोजना गरेको हो । गौरीशङकर बचत तथा ऋण सहकारी संस्था लिमिटेडका अध्यक्ष प्रकाशचन्द्र वाग्लेको अध्यक्षता एवं हुप्सेकोट गाँउपालिका अध्यक्ष लक्ष्मीदेवी पाण्डेको प्रमुख आतिथ्यतामा कार्यक्रम आयोजना गरिएको थियो । कार्यक्रममा बोल्दै प्रमुख अतिथि पाण्डेले ग्रामिण क्षेत्रमा रहेका मानिसहको सहजताका लागि गाँउमा सहकारी संस्था सञ्चालन कार्यले मानिसमा सहज बनाएको बताउदैँ ११ औँ स्थापना दिवशमा संस्थाले सामाजिक उत्तरदायित्व अन्र्तगत रक्तदान कार्यक्रम आयोजना गर्नु प्रशसनिय कार्य रहेको बताईन् ।

त्यस्तै उनले गाँउका मानिस आर्थिक क्रियाकलापका गतिविधिमा सरिक हुन बजार क्षेत्र झनुपर्ने बाध्यतालाई संस्थाले घरआँगनमै सहजीकरण गरेकोप्रति खुशी ब्यक्त गर्दै संस्थाको आगामी दिनको सफलताको शुभकामना ब्यक्त गरेकी थिईन् । आयोजित रक्तदान कार्यक्रममा ४० जनाले रगत दान गरेका थिए ।भने नेपाल रक्तसञ्चार सेवा र नेपाल रेडक्रस सोसाईटीको प्राविधिक सहयोग रहेको थियो ।