इन्द्रेणी टिम शनिवार सेन्ट जोसेफ बोर्डीङ्गमा आउदै

कावासोती । लोक दोहोरीको इन्द्रेणी टिम यहि चैत्र १२ गते शनिबार नवलपुरको सेन्ट जोसेफ इंगलिस बोर्डीङ्गमा स्कुलमा आउने भएको छ । बिद्यालयले भोलिबाट सञ्चालन गर्ने सेन्ट जोसेफ आरम्भ कार्यक्रममा इन्द्रेणी टिम सहभागी हुने भएको हो ।
“सीप , संस्कार र प्रविधि सहितको व्यवहारिक शिक्षा , हाम्रो प्रतिबद्धता” भन्ने नाराका साथ नयाँ व्यवस्थापन सहित सञ्चालनमा आएको स्कुलले लोक कला सँस्कृतीलाई बिद्यार्थी जीवनबाट नै सिकाउनुपर्ने भन्दै बिद्यालयले भोली बिहिबारबाट शनिवारसम्म सेन्ट जोसेफ आरम्भ कार्यक्रम सञ्चालन गर्न लागेको आज पत्रकार सम्मेलन गरि बिद्यालयले जानकारी दिएको हो । बिद्यालयमा सञ्चालनमा रहेको शैक्षिक प्रणालीलाई परिर्वतन मात्र नभई   रुपान्तरण नै गर्नुपर्ने भन्दै बिद्यालयमा फरक प्रबृत्तिका कार्यक्रम सञ्चालन गर्न लागिएको बिद्यालयका प्रिन्सीपल कमल प्रसाद चपागाईले बताउनुभयो । सेन्ट जोसेफ आरम्भ कार्यक्रम अन्र्तगत भोलि पहिलो दिन बाल प्रतिभा कार्यक्रम र पुरस्कार बितरण हुने छ । जसमा बाल प्रतिभा कार्यक्रममा बिद्यालयका कक्षा ३ सम्मका बिद्यार्थीहरु सहभागि हुने छन् र पुरस्कार बितरणमा बिद्यालयले अन्य समयमा सञ्चालन गरेका अतिरिक्त क्रियाकलापहरुको पुरस्कार बितरण गर्ने कार्यक्रम संयोजक अनिता थापाले बताउनुभयो ।
त्यस्तै कार्यक्रमको दोस्रो दिन शुक्रबार अन्तर बिद्यालय लोकनृत्य प्रतियोगिता सञ्चालन हुने कार्यक्रम सँयोजक कृष्ण रानाले बताउनुभयो ।त्यस्तै तेस्रो दिन शनिवार सेन्ट जोसेफ सँग इन्दे्रणी कार्यक्रम राखीएको छ । जसमा लोक कला सँस्कती संगै सामाजिक उत्तरदायित्वको कार्यक्रमहरु पनि गरिने पिन्सिपल चापागाईले बताउनुभयो ।

आरम्भ कार्यक्रम अन्तरगत यसअघि  चैत ५  गते स्कुलले गाउँखाने कथा प्रतियोगिता सम्पन्न गरिसकेको छ ।  जसमा प्रथम हुनेले १५ हजार , द्वितीय हुनेले १० हजार र तृतीय हुनेले ५ हजार र तीन वटा सान्त्वना हुने  समूहलाई तीन तीन हजार नगद पुरस्कारको व्यवस्था गरिएको छ ।  १२ गते नै उक्त पुरस्कार वितरण गरिने उहाँले बताउनुभयो ।

३ दिनसम्म सञ्चालन हुने कार्यक्रममा करिब ४ हजार मानिसहरु सहभागि रहने बिद्यालयले आकंलन गरेको छ । उक्त कार्यक्रम अबधिभर सतार नृत्य , हुडक्यौली नृत्य , राउटे  नृत्य  जस्तै अन्य ३० वटा भेषभुषा सहितका नृत्यहरु प्रस्तुत गरिने उहाँले बताउनुभयो ।
सो बिद्यालयमा अहिले ९ सय भन्दा बढि बिद्यार्थीहरु अध्ययनरत रहेका छन् ।