छात्रालाई दुव्र्यवहार गरेको आरोपमा पक्राउ परेका गैँडाकोटका शिक्षकलाई कावासोती ल्याइयो

काावासोती । मोबाइलमा अश्लिल भिडीयो देखाउदै छात्रालाई दुव्र्यबहार गरेका गैँडाकोटको शिक्षकलाई पक्राउ गरि कावासोती ल्याइएको छ । जिल्ला प्रहरी कार्यालय नवलपुरका अनुसार गैँडाकोटस्थित जनक माध्यामिक विद्यालयकी छात्रालाई दुव्र्यबहार गरेको भन्दै आरोप लागेको शिक्षकलाई प्रहरीले पक्राउ गरि कावासोती ल्याएको हो ।
कक्षा १२ मा अध्ययन गर्ने एक छात्रालाई सोही विद्यालयका शिक्षक कपिल घिमिरेले अश्लिल भिडियो देखाउदै दुव्र्यवहार गरेको विद्यार्थीहरुले आरोप लगाएका छन् ।
शिक्षकले दुव्र्यवहार गरेको भन्दै विद्यार्थीहरुले विद्यालय तोडफोड समेत गरेका थिए । विद्यार्थीहरुले दुव्र्यवहार गर्ने शिक्षकलाई प्रहरीले बचाउन खोजेको भन्दै ढुंगामुढा समेत गरेका थिए ।
विद्यार्थीहरुले शिक्षकलाई सार्वजनिक गर्नुपर्ने माग राख्दै बिद्यालयका प्रध्यानाध्यापक चुडामणी शर्मा कडेंल र आरोपीत शिक्षक कपिल घिमिरेको मोटरसाइकलमा आगजनि समेत गरेका छन् ।
चैत ३० गतेको सो घटना भएपनि विद्यालय प्रशासनले शिक्षकलाई कारवाही गर्न विद्यार्थीले गरेको मागलाई बेवास्ता गर्दा भौतिक क्षती तथा मानिस घाइते हुने सम्मको अवस्था आएको उनीहरुको भनाई छ ।
यता विद्यालयका प्रधानाध्यापक चुडामणी शर्मा कडेंलले घटनाबारे विद्यार्थीले ३० गते बेलुकीपख म्याडमहरुलाई जानकारी गराएको वैशाख १ गते विदा र त्यसको भोलिपल्ट छलफल गर्ने भनेपनि आफन्तको अपरेश परेको भनी विद्यार्थी विद्यालय नआएको बताउनुभयो । तर हिजो शनिवार आज छलफलका लागि शिक्षक, विद्यार्थी अभिभावक राखेर कुराकानी हुँदैगर्दा वाहिर तोडफोड भएको बताउनुभयो । गुनासो आएपछि विद्यालयले सबैलाई राखेर छलफल गर्ने र त्यसपछिको प्रकृया अगाबढाउने तयारी भएपनि तोडफोड भएपछि अवस्था नियन्त्रण वाहिर गएको बताउनभयो ।