कावासोतीमा मुख्य निर्वाचन अधिकृतको कार्यालय सहित नवलपुरका सबै पालिकमा निर्वाचन अधिकृतको कार्यालय स्थापना

गंगा बिश्वकर्मा
कावासोती । नवलपरासी पूर्व नवलपुुरको कावासोती नगरपालिकामा मुख्य निर्वाचन अधिकृतको कार्यालय स्थापना गरिएको छ । कावासोती नगरपालिकामा मुख्य निर्वाचन अधिकृतको कार्यालय र अन्य सात वटा पालिकामा निर्वाचन अधिकृतको कार्यालय स्थापना गरिएको हो ।
कावासोतीमा स्थापना गरिएको मुख्य निर्वाचन अधिकृतको कार्यालयको मुख्य निर्वाचन अधिकृत अधिकारी, प्रमुख जिल्ला अधिकारी सुमन रेग्मी, जिल्ला निर्वाचन अधिकारी लालप्रसाद भुसाल, प्रहरी उपरिक्षक प्रज्वल महर्जन, प्रमुख प्रशाशकीय अधिकृत राकेश गुरुङले संयुक्तरूपमा उद्घाटन गर्नु भएको थियो ।
नवलपुरको गैंडाकोट नगरपालिका दिपशिखा मुनाकमी पौडेल, देवचुली नगरपालिकामा कमलराज पन्थी, मध्यविन्दु नगरपालिकामा महेन्द्र प्रसाद र्पौडेल, हुप्सेकोट गाउँपालिका यज्ञमूर्ति ज्ञवाली, विनयी त्रिवेणी गाउँपालिकामा लोकहरी कण्डेल, बौदीकाली गाउँपालिका प्रेम बहादुर दौल्याल र बुलिङटार गाउँपालिकामा देविप्रसाद आचार्य निर्वाचन अधिकृत रहनु भएको छ ।
सबै स्थानीय तहमा बिहिबार निर्वाचन अधिकृतको कार्यालय स्थापन गरिएको जिल्ला निर्वाचन अधिकारी लाल प्रसाद भुसालले बताउनुभयो ।
बैशाख ३० गते हुने स्थानिय तहको निर्वाचन निष्पक्ष र भय रहित वातावरण हुनेमा कसैलाई शङ्का नगर्न प्रमुख जिल्ला अधिकारी सुमन रेग्मीले आग्रह गर्नुभएको छ । जिल्लामा रहेका एक सय १३ मतदान स्थल र दुई सय ९९ वटा मतदान केन्द्रको सुरक्षार्थका लागि नेपाल प्रहरी, शसस्त्र प्रहरी र नेपाली सेना परिचालन गरिने उहाँले बताउनुभयो ।