नवलपुरमा आचारसंहिता उल्लङ्घन गर्दै चुनावी प्रचार

गंगा बिश्वकर्मा
कावासोती । स्थानिय तहको निर्वाचन नजिकिदै गएसंगै नवलपरासी पूर्व नवलपुर जिल्लाका राजनैतिक दलहरुले आफ्नो प्रचारप्रसारलाई तिब्र बनाएका छन् । तर प्रचारप्रसारमा उमेद्वारहरुले निर्वाचन आचारसहिंतालाई वेवास्ता गरेका छन् । निर्वाचन आयोगले तोकेको आचारसहिंतालाई उल्लंघन गर्दै उम्मेदवार लगायत कार्यकताहरु चुनावमा होमीएका हुन् । निर्वाचन आयोगले स्थानीय तहको निर्वाचन निष्पक्ष, पारदर्शी, भयमुक्त, स्वतन्त्र र स्वच्छ रूपमा सम्पन्न गराउन आचारसंहिता लागू गरे पनि दलहरूले त्यसको बेवास्ता गर्दै चुनाव प्रचार गरिरहेका हुन् ।
जिल्लाका ठुला–साना दलहरूले आचारसंहिता विपरीत मोटरसाइकल ¥याली, कानुनले तोकेभन्दा बढी संख्या र ठूलो आकारको झन्डा, ब्यानर, ब्याच लगायत प्रचार सामग्री प्रयोग गरिरहेका छन् । उम्मेदवारले मनोनयन दर्ताका बेलामा पनि बाजागाजा, ब्यानरसहित शक्ति प्रदर्शन गरेका थिए । दलहरूबीच गाउँ, टोलमा पार्टीको झन्डा र निर्वाचन चिह्नसहित जुलुस गर्ने प्रतिस्पर्धा नै देखिन्छ । गाडी, मोटरसाइकल सहितको ¥याली, दलको झन्डा वा उम्मेदवारको चिन्हको तोरण बनाई सहित प्रदर्शन गर्न, गराउन नहुने आचारसंहितामा उल्लेख भएपनि त्यसको पालना भएको पाइदैन् । नवलपुर जिल्लाका मुख्य निर्वाचन अधिकृत अर्जुन अधिकारीले निर्वाचनले तोकेको आचारसहिंता बाहेक अन्य क्रियाकलाप सबै आचारसहिंता बिपरित हुने बताएका छन् । उनले नमूना सन्देश सँग कुराकानी गर्दै जिल्लामा लिखित रुपमा आचारसहिंता बिपरितका उजुरी नपरेपनि मौखिक रुपमा उजुरी परेकोे बताएका छन् ।
चुनावी प्रचारप्रसारमा दलहरुले आचारसहिंत बिपरित गरेका क्रियाकलापको उजुरी परेमा उक्त उल्लङ्घनका घटनाबारे जाचबुझ गर्ने र त्यसो गरेको पाइएमा तत्काल रोक्ने गरेको अधिकारीले बताएका छन् । आचारसहिंता उल्लङ्घनमा प्रयोग गरिएका सामाग्रीहरुलाई समेत जफत गरिने भन्दै दलहरुले नियमलाई पालना गर्नुपर्नेमा उनले बताए । गत सोमबार प्रमुख जिल्ला अधिकारी सुमन घिमिरे सहित निर्वाचन अधिकृत, प्रहरी प्रमुख, सशस्त्र प्रहरी प्रमुख र राजनैतीक दलका प्रमुख तथा प्रतिनिधी स्वतन्त्र उम्मेदवारहरु संगको बैठकमा आफुले नागरिकबाट आएको आचारसहिंता उल्लङ्घनको गुनासो सुनाएको बताए । उनले भने–“मैले सम्पुर्ण राजनैतिक दलका प्रमुख तथा प्रतिनिधी र स्वतन्त्र उम्मेदवारहरुलाई आचारसहिंता बिपरित चुनावी प्रचार–प्रसार नगर्न भनेको छु, यदि त्यो भयो भने बाध्य भएर कारबाहीमा पनि जाने छौ”। उनले फेरी भने “मैले त्यो भन्दा उहाँहरुले मलाई अब त्यस्ते नहुनेमा हामी ख्याल गर्छौ ढुक्क हुनुहोस भन्नुभएको छ”। उनले आचारसहिंता उल्लङ्घन भए नभएको स्थानिय प्रशासन मार्फत अनुगमन समेत भएको बताएका छन् । जिल्लाका प्रत्येक पालिकामा आचारसहिंत पालना भएको छ, कि छैन भनेर अनुगमन गर्न अनुगमन अधिकृत समेत तोकिएको अधिकारीले बताए ।
मुख्य अधिकृत अधिकारीका अनुसार निर्वाचन आचारसहिंत उल्लङ्घन गरेको थाहा पाएमा मौखीक लिखित श्रव्य वा दृश्य सामाग्री सहित उजुरी गर्न सकिने बताएका छन् । बाजा गाजा सहित प्रचार गर्ने बढि देखीएकोमा त्यो क्रियाकलाप रोक्नका लागि आफुले निर्देशन दिएको र अब फेरी त्यसो नभएमा सामाग्री जफत गर्ने संगै सम्बन्धित उम्मेदवारलाई कारवार्ही गर्ने अधिकारीले बताएका छन् ।