आँखा पाक्ने रोगको प्रकोप बढ्दै गएपछि तत्काल विद्यालय बन्द गर्न नेविसंघको आग्रह

कावासोती । आँखा पाक्ने रोगबाट नगर भित्रका विद्यालयमा अध्ययन गर्ने अधिकांस विद्यार्थीहरु संक्रमित भएकाले केही समय विद्यालयहरु बन्द गर्न आग्रह गर्दै नेपाल विद्यार्थी संघ कावासोतीले कावासोती नगरपालिकामा ज्ञापनपत्र बुझाएको छ ।नेविसंघ कावासोतीले कावासोती नगरपालिकाका प्रमुख प्रशासकिय अधिकृत भुपेन्द्र पाण्डे र नगर शिक्षा अधिकारी क्षेत्रबहादुर भण्डारीलाई संक्रमण नियन्त्रणमा नआउदा सम्म केही समय विद्यालय बन्द गर्न आग्रह गर्दै ज्ञापनपत्र बुझाएको नगर सभापति कुमार क्षेत्रीले जानकारी दिए ।पछिल्लो समय फैलिएको आँखा पाक्ने रोगबाट कावासोती र यस आसपासको क्षेत्रमा अधिकांश बालबालिकाहरु संक्रमित भएका छ्न ।