ग्राण्डी अस्पतालमा ९ घण्टा लगाएर हात्तीपाईले रोगको सफल शल्यक्रिया

नमुना पोष्टप्रकाशित मिति: २०८० श्रावण २४, बुधबार (१ साल अघि)

काठमाडौँ ।ग्राण्डी अन्तर्राष्ट्रिय अस्पतालमा हात्तीपाईले रोगको शल्यक्रिया सफल भएको छ । ९ घण्टा लगाएर हात्तीपाईले रोगको सफलतापूर्वक शल्यक्रिया सम्पन्न गरिएको हो ।अस्पतालमा कार्यरत प्लास्टिक सर्जन प्राध्यापक डा.जयनमान श्रेष्ठको नेतृत्वमा साउन २ गते ३५ वर्षीय एक युवकको बायाँ खुट्टामा भएको हात्तीपाईलेको शल्यक्रिया गरिएको थियो ।

डा.श्रेष्ठको नेतृत्वमा प्लास्टिक सर्जन डा.समित शर्मा सहितको टोलीले युवकको शल्यकृया गरेका हुन् र बिरामीको स्वास्थ्य अवस्था सामान्य बन्दै गएपछि युवकलाई आज (बुधवार) डिस्चार्ज गरिएको हो ।२० वर्ष अघि नै हात्तीपाइलेको समस्या देखिएका म्याग्दी बेनी घर भएका ती युवकको दुवै खुट्टाको आकार तथा वजन बढ्दै गएर एउटै खुट्टाको वजन ४८ केजी थियो ।