नवलपुरमा उत्कृष्ट काम गरेका वनलाई सम्मान गर्दै मनाईयो सामुदायिक वन दिवस

मीनाक्षी कंडेल कावासोती ।
सामुदायिक वन दिवसको अवसरमा वृक्षरोपण कार्यक्रमको आयोजना गरी मनाईएको छ । सामुदायिक वन उपभोक्ता महासंघ नवलपुरको आयोजनामा बिहिवार औपचारीक कार्यक्रमको आयोजना गरी मध्यबिन्दु ७ स्थित विजय सामुदायिक वन परिसरमा वृक्षरोपण गरी कार्यक्रम मनाईएको हो । आयोजित कार्यक्रममा डिभिजनल वन कार्यालय,मध्यविन्दु नगरपालिका,एन्साब नेपाल लगायतको समन्वयमा कार्यक्रम आयोजना गरिएको थियो । सामुदायिक वन उपभोक्ता महासंघ नवलपुरका अध्यक्ष मना भण्डारीको अध्यक्षता एवम् मध्यविन्दु नगरपालिका नगरप्रमुख भिमलाल अधिकारीको प्रमुख आतिथ्यतामा कार्यक्रम आयोजना गरिएको थियो ।आयोजित कार्यक्रमलाई सम्वोधन गर्दै प्रमुख अधिकारीले कार्यक्रममा उपस्थित उपभोक्तालाई वनबाट उपलब्ध स्रोत साधनको उपभोगमा मात्र तल्लिन नभई संरक्षण कार्यमा समेत जुट्न आग्रह गरे।त्यस्तै उनले सामुदायिक वन दिवसका अवसरमा विभिन्न संघसंस्थाको समवन्यमा आयोजना गरिएको वृक्षरोपण कार्यक्रम सराहनिय रहेको प्रशंसा गरे । कार्यक्रममा प्रमुख अतिथि नगरप्रमुख भिमलाल अधिकारीले हर्रोको विरुवा रोपी कार्यक्रमको समुद्घाटन गरेका थिए।

आयोजित कार्यक्रममा एक बर्षमा सामुदायिक वनको अनुगमन तथा मुल्याङकन गर्दा उत्कृष्ट कार्य गरेका सामुदायिक वन तर्फका नमुना महिला सामुदायिक वन देवचुली,अंकुर आर्दश सामुदायिक वन कावासोती र देउराली सामुदायिक वन गैडाकोटलाई नगद पुरस्कार सहित प्रमाण पत्रले सम्मान गरिएको थियो । भने त्यस्तै कवुलियति वन तर्फ डाँडाथर कवुलियति वन बुलिङटार, साधखोला कवुलियति वन गैडाकोट र चुली कवुलियति वन मध्यविन्दुलाई नगद पुरस्कार सहित प्रमाण पत्रले सम्मान गरिएको थियो । १७० बढिको उपस्थिती रहेका कार्यक्रममा डिभिजनल वन कार्यालय नवलपुरका प्रमुख मेघराज पौडेल, डिभिजनल वन कार्यालय सहायक वन अधिकृत दीपक प्रसाद पण्डित, हरि गौतम लगायत बिभिन्न संघसंस्थाका अध्यक्ष तथा प्रतिनिधि, समाजसेवी, राजनैतिक ब्यक्ति, जिल्लामा रहेका विभिन्न सामुदायिक वनका प्रतिनिधि सहित उपभोक्ताहरुको सहभागिता रहेको थियो । भने कार्यक्रम सञ्चालन सामुदायिक वन उपभोक्ता महासंघ जिल्ला सचिव शुशिल पौडेलले गरेका थिए ।