अन्तराष्ट्रिय युवा दिवसको अवसरमा मध्यविन्दुमा सचेतना कार्यक्रम सुरु

मध्यविन्दु ।अन्तराष्ट्रिय युवा दिवसको अवसरमा मध्यविन्दुमा सचेतना कार्यक्रम सुरु भएको छ ।मध्यविन्दु नगरपालिका वडा नं १० का वडा अध्यक्ष एवम् नगर प्रवक्ता रण बहादुर थापा को अध्यक्षता र मध्यविन्दु नगरपालिका उप मेयर पुर्णकला चौधरीको प्रमुख आतिथ्यतामा बिहिवार सुरु गरिएको हो । कार्यक्रममा बोल्दै चौधरीले पछिल्लो समय बालबालिका तथा युवा पुस्ता बढि कुलतामा लागेको र यसको अन्त्यको आवश्यक रहेको उनले देश परिवर्तनमा युवा पुस्ताको भुमिका महत्वपुर्ण रहेको बताउदै यसरी नै निरन्तर लाग्न युवाहरुलाई अुनरोध गरिन्। युवा बिकासको लागी खेलकुद तथा नेतृत्व बिकासका कार्यक्रम गर्ने तयारीमा नगर रहेको चौधरीले बताईन ।कार्यक्रमा बोल्दै अध्यक्ष मल्लले सुर्तीजन्य,मादक पदार्थ तथा लागु औषधी न्युनिकरण गर्न सके मात्र हाम्रो टोल समाज र देश बिकास गर्न असहज नहुने बताए ।

आफ्नै वडाबाट अभियान सुरु भएमा थप जिम्मेवारी बहन भएको बताउदै आफु सधैं युवाहरुका क्षमता बिकासको पक्षमा रहेको बताए।कार्यक्रममा युवा परिषद नवलपुरका अध्यक्ष टिका भुर्तेलले पछिल्लो समय युवाहरुको काम गर्ने क्षमता र नेतृत्व गर्ने शैलीमा सकारात्मक परिर्वतन हुदै आएको बताए । मध्यविन्दुले लिएको यस अभियानलाई जिल्ला भरका पालिकाले सञ्चालन गर्नु आवश्यक रहेको बताए।कार्यक्रममा मध्यविन्दु नगरपालिका वडा नं। १० का वडा सदस्य गोप बहादुर खाम्चा ,नगर युवा सञ्जाल अध्यक्ष टेक बहादुर खाम्चा,नगर युवा सञ्जाल सचिव प्रकाश रेग्मी लागएत को मन्तव्य रहेको थियो ।कार्यक्रममा विद्यालय क्षेत्रको १०० मिटर वरपर सुर्तीजन्य तथा मदिरा बिक्रि बितरण नगरौं,बालबालिकालाई सुर्तीजन्य तथा मदिरा बिक्री बितरण नगरौं भन्ने मुख्य उद्देश्य सहित कार्यक्रम सञ्चालन गरिएको मध्यविन्दु नगरपालिका शिक्षा युवा तथा खेलकुद शाखा प्रमुख कृष्ण प्रसाद रेग्मीले बताए ।

कार्यक्रमा स्कुल छेऊमा पसल राखी ठुला कुरा गर्ने राम्रो काम गरौं भन्दा आफै पछि सर्ने,लागु औषधको नशा गाढा परिवार सबै भयो टाढा , पसलमा चुरोट खैनि राखी युवालाई खिच्ने, पसले हु भन्दैमा कानुनलाई मिच्ने, लागएतका प्ले कार्ड सहित युवाहरुले अरुणखोला बजार क्षेत्रको परिक्रममा गरेका थिए । साथै सुर्तीजन्य तथा मादक पदार्थ बिक्रिवितरण नगर्न होटल तथा किराना पसलका व्यवसायीहरु लाई अनुरोध समेत गरिएको थियो । दिगो बिकास दिगो विकास लक्ष्य प्राप्तीमा युवाको साथ हरित विश्व निमार्णमा हरित सिप विकास भन्ने नारा सहित देशै भरी अन्तरष्ट्रिय युवा दिवस मनाइदै छ ।

यसै अवसरमा मध्यविन्दु नगरपालिका शिक्षा युवा तथा खेलकुद शाखा को आयोजाना,राष्ट्रिय युवा परिषद नवलपुर र नगर स्तरिय युवा सञ्जालको सहकार्यमा कार्यक्रम मध्यविन्दु नगरपालिकामा गरिएको हो ।साउन २७ गते सम्पुर्ण वडामा कार्यक्रम सम्पन्न हुने नगर युवा सञ्जाल सचिव प्रकाश रेग्मीले बताए ।सम्पुर्ण वडामा कार्यक्रम सम्पन्न भए लगतै पुनः २० दिन पछि दोस्रो अनुगमन हुने नगर युवा सञ्जाल अध्यक्ष टेक बहादुर खाम्चाले बताए ।कार्यक्रमा मध्यविन्दु नगरपालिकका स्रोत शिक्षक कलामुदिन अन्सारी,शिक्षा शाखाकी गिता चापागाई प्रहरी ,नगर प्रहरी ,शिक्षक लगाएत ५० जना युवाहरुको सहभागी रहेको थियो ।