ट्रकको ठक्करबाट स्कुटर चालकको मृत्यु

पोखरा । पोखरामा ट्रकको ठक्करबाट स्कुटर चालकको मृत्यु भएको छ । पोखरा पृथ्वीचोकबाट सृजनाचोकतर्फ जाँदै गरेको ग २२ प ७९५ नम्बरको स्कुटरलाई बागमती प्रदेश ०३००१ क २६३ नम्बरको ट्रकले सोमबार ठक्कर दिँदा स्कुटर चालक २० वर्षीया वर्षा कुमालको मृत्यु भएको जिल्ला ट्राफिक कार्यालय कास्कीले जनाएको छ ।

ठक्करबाट गम्भिर घाईते भएकी वर्षाको गण्डकी मेडिकल कलेजमा उपचारको क्रममा मृत्यु भएको प्रहरीले जनाएको छ । दुर्घटनापछि ट्रक चालकलाई प्रहरीले नियन्त्रण लिएको छ ।