फर्निचर उद्योगबाट अवैध काठ बरामद

पाल्पा। पाल्पाको रामपुर नगरपालिकाबाट प्रहरीले अवैध काठ बरामद गरेको छ । प्रहरीले रामपुर नगरपालिका १० बर्दले बस्ने लिला गाहाको फर्निचर उद्योगबाट अवैध काठ मंगलबार बेलुका बरामद गरेको हो । जिल्ला प्रहरी कार्यालय पाल्पाका प्रवक्ता एवं सुचना अधिकारी प्रहरी निरीक्षक सन्तोष चन्दका अनुसार गाहाको फर्निचरबाट ९५.०८ क्युफिट सालको काठ फेला पारेको हो ।

प्रहरीले काठ नियन्त्रणमा लिई आवश्यक कारवाहीको लागि सब वन डिभिजन कार्यालय रामपुरमा पठाएको जनाएको छ । प्रहरीले घटनाको सम्बन्धमा आवश्यक अनुसन्धान गरिरहेको बताएको छ ।