![](https://www.namunapost.com/wp-content/uploads/2024/07/450086091_3638647076447912_5871548327761405840_n.jpg)
दिपेश कडरिया
कावासोती । फाल्गुन ९ देखि २० सम्म संचालन हुने दोस्रो देवचुली महोत्सवको तयारिलाई तिब्रता दिइएको छ । महोत्सवलाई व्यापक सफल बनाउन माघ १० गते बिहिबार देखि प्रचारप्रसारको काम अघि बढाइएको संघका उपाध्यक्ष(बाणिज्य तर्फका)लोकप्रसाद भुर्तेलले जानकारी दिए । पहिलो खण्डमा महोत्सव सम्बन्धी सबै जानकारी सहितको ब्रोसियर तयार पारिएको छ भने दोस्रो खण्डमा देवचुली नगरपालिका भित्रका मुख्य चोकहरुमा ब्यानर टांस्ने र अटो तथा इरेक्सारलोकल बसहरुमा ब्यानर लगाइ प्रचारप्रसारको कामलाई तिब्रता दिइएको उपाध्यक्ष भुर्तेल बताए । यसै गरि तेस्रो खण्डमा कावासोती नगरपालिका र गैंडाकोट नगरपालिकाको हाइवेलाइनका मुख्य चोकचोकमा ब्यानर टांस्ने र माइकिङ्बाट महोत्सबको प्रचार गरिने स्टल ब्यबस्थापन समितीका संयोजक वसन्त पोखरेलले बताए ।
महोत्सव लाई देशब्यापी बनाउन देवचुली उद्योग बाणिज्य संघका अध्यक्ष सहितको टोलि गण्डकी प्रदेश हुँदै नेपाल पर्यटन बोर्ड काठमाडौ सम्म पुगेको छ। संघका अध्यक्ष रेशमलाल सापकोटा, संस्थापक अध्यक्ष धर्मराज बस्याल र वरिष्ठ उपाध्यक्ष तथा सांस्कृतिक संयोजक सत्यनारायण भुसाल सहितको टोलि पोखरा हुँदै काठमाडौसम्म पुगि हरेक क्षेत्रमा प्रचुर सम्भावना बोकेको समग्र देवचुली नगरपालिकाको प्रचारप्रसारमा सक्रिय रहनुभएको संघका महासचिव सुर्य प्रसाद दवाडिले जानकारी दिए । गण्डकी प्रदेशका मुख्य मन्त्रालयहरुमा निमन्त्रणा गरि नेपाल पर्यटन बोर्ड काठमाडौमा प्रपोजल,महोत्सवको ब्रोसियर सहित नेपाल पर्यटन बोर्डका सिइओ मार्फत व्यापक छ्लफल गरिसकेको संघका अध्यक्ष सापकोटाले टेलिफोन सम्पर्कमा जानकारि दिए । महोत्सवको मुख्यप्रायोजकको लागि नेपालको ठुला उद्योगका हेड अफिसमा पत्र पुगिसकेको र संचार मन्त्रालयमार्फत समग्र देवचुलिको चिनारिको लागि छलफल चलाइने अध्यक्ष सापकोटा बताए ।
यसैगरी माघ११ गते नगरपालिका भित्रका सम्पुर्ण आमा समुहका अध्यक्ष तथा प्रतिनिधि हरु संग अन्तरक्रिया कार्यक्रम रहेको उपाध्यक्ष भुर्तेलले जानकारी दिए ।
मिड पोइन्ट रिसर्च,इभेन्ट एण्ड मिडियाद्वारा संचालित
नमुना पोष्टडट कम का लागि
कावासोती - ३ नवलपुर
9867130145
[email protected]
सूचना विभाग दर्ता नम्बर: ४२६०-२०८०/२०८१