नमुना पोष्टप्रकाशित मिति: २०७५ माघ १२, शनिबार (४ साल अघि)
शालिकराम भट्टराई
कावासोती । उद्योगी ब्यवसायीहरुको हकहित र प्रबद्र्धन गर्ने उदेश्यले नवलपुर चेम्बर अफ कमर्शको स्थापना गरीएको छ । शनिवार कावासोतीमा पत्रकार सम्मेलन गरि संस्था स्थापना गरिएको जानकारी गराईएको छ ।
दिपक भण्डारीको अध्यक्षतामा १२ सदस्यीय कार्यसमीती चयन गरीएको हो । जसको उपाध्यक्षमा राम प्रसाद महतो, गिता कुमारी रिजाल न्यौपाने, महासचिवमा लाल प्रसाद बराल, सचिबमा बिन्दु कुमार श्रेष्ठ, कोषाध्यक्षमा उमाकान्त पौडेल रहेका छन भने सदस्यहरुमा मिना नेपाल, कमल प्रसाद गैहे, जिबलाल भटराई, सृजना भुषाल, भोजराज बस्याल, हेमन्त पौडेल रहेका छन ।
जिल्लामा रहेका बिभिन्न उद्योग, ब्यापार क्षेत्रमा आबद्ध उद्योगी, ब्यापारी तथा ब्यवसायीहरुलाई समावेश गरी ब्यवसायीक हक अधिकार सुनिश्चित गर्न स्वच्छ ब्यापार ब्यवसाय सञ्चालन गर्न एवं उद्योग ब्यवसाय र ब्यवसायीक दक्षता विकास गर्न भन्दै नवलपुर चेम्बर अफ कमर्शको स्थापना गरीएको संस्थाका अध्यक्ष दिपक भण्डारीले बताए ।
नवलपुर क्षेत्रको उद्योग वाणिज्य, यातायात, बैंक, बिमा, कृर्षी, पर्यटन, सेवा, ब्यवसायको प्रबद्र्धन गर्ने, गराउने, उद्योगी ब्यापारी बर्गमा मैत्रीपुर्ण सदभाव बृद्धी गर्नेगराउने, स्थानीय निकायसंग सहयोग लिने र दिने लगाएतका उद्धेश्यहरु राखेर नवलपुर चेम्बर अफ कमर्शको स्थापना गरीएको अध्यक्ष भण्डारीले बताए ।
नवलपुर चेम्बर अफ कमर्शले भ्याट र प्यानमा दर्ता भएर कारोबार गरीरहेका उद्योगी, ब्यवसायी संग सहकार्य गदै ब्यापार, ब्यवसाय प्रबद्र्धन गर्न संस्था लागिपर्ने नवलपुर चेम्बर अफ कमर्शका उपाध्यक्ष राम प्रसाद महतोले बताए । संस्थामा आबद्ध हुनका लागि २५ लाखसम्म पुजी भएकालाई ५ सय र २५ लाख भन्दा माथी पुजी भएकाहरुलाई एक हजार रुपैया सदस्यता शुल्क लाग्ने जनाईएको छ ।
नमुना सन्देश साप्ताहिक द्वारा संचालित
नमुना पोष्टडट कम का लागि
कावासोती - २ नवलपुर
9867130145
[email protected]
[email protected]
