नवलपुरमा भिरबाट मोटरसाईकल खस्यो / एक जनाको घटनास्थलमै मृत्यु १ जना गम्भीर घाईते

कावासोती । पूर्बि नवलपरासीको हुप्सेकोट गाउँपालिका ५ स्थित धौवादी दलदले सडक खण्डको पाङ्ग्रेकोे भीरबाट मोटरसाईकल खस्दा एक जनाको मुत्यु भएको छ । बुलिङटारबाट दलदले आउदै गरेको ना २८ प २२६० नम्वरको मोटरसाइकल अनियन्त्रित भई सडकबाट झण्डै एक सय मिटर तल भिरबाट खसेको हो ।
मोटरसाईकलको पछाडी सवार भारतीपुर बस्ने वर्ष ५५ बुद्धिमान श्रेष्ठको घटनास्थलमै मृत्यु भएको प्रहरीले जानकारी दिएको छ । त्यस्तै मोटरसाइकल चालक भारतीपुरकै ५२ वर्षीय रामजी श्रेष्ठ गम्भीर घाईते भएका छन् । गम्भीर घाईते श्रेष्ठ लाई मध्यविन्दु जिल्ला अस्पतालमा उपचार भैरहेको प्रहरीले जनाएको छ ।