पर्यटकीय गाउँ पिप्रहरमा पत्रकार महासंघको संगठनात्मक राष्ट्रिय भेला / सदस्यता वितरणमा कडाई गरिने

देबचुली । नेपाल पत्रकार महासंघले महासंघको जिल्ला ,केन्द्र र प्रदेशको अधिबेशन एकै समयमा एकै दिन गर्ने गरि प्रकृया अगाडि बढाउने निर्णय गरेको छ । पुर्बी नवलपरासिको देबचुली नगरपालिकाको पर्यटकीय गाउँ पिप्रहर होमस्टेमा सोमबार सम्पन्न भएकोे महासंघको संगठनात्मक राष्ट्रिय भेलाले सो निर्णय गरको हो ।
महासंघले आगामी फागुन मसान्त भित्र शाखा अधिबेशन गर्ने निर्णयलाई परिबर्तन गरि तीनै तहको अधिबेशन आगामी भदौ महिनामा एकै पटक गर्ने गरि सबै तहको म्याद थप गर्ने निर्णय गरेको छ । महासंघले सोका लागि सदस्यता नबकिरण,शुद्दिकरण र नयाँ सदस्यता सम्बन्धमा समेत निर्णय गर्दै कडाईका साथ अभियानमा जाने निर्णय गरेको अध्यक्ष गोबिन्द आचार्यले बताए । महासंघको यही मंसिर २९ र ३० गते पत्रकार महासंघ पुर्बी नवलपरासीको आतिथ्यतामा भएको केन्द्रीय संगनात्मक राष्ट्रिय भेलाले नयाँ सदस्यताका लागि कार्यतालिका सार्वजनिक गर्दै अव महाधिवेशन उन्मुख भएको केन्द्रीय महासविच रमेश विष्टले जानकारी दिए । अवको कार्यसमिति प्रत्यक्ष मतदानको विधिबाट चुन्ने प्रकृया भएका कारण अवबाट नयाँ सदस्यता वितरणमा कडाई गर्दै सदस्यता प्राप्ति तथा नविकरण कार्यविधि निर्देशिका २०७६ पनि तयार पारिएको महासचिब विष्टले बताए । .भेलाले अवबाट कुनैपनि राजनीतिक दल तथा तिनका भातृ संगठनको जिल्ला, प्रदेश र केन्द्रीय कार्यसमितिको पदाधिकारी रहेको, निजामती कर्मचारी, जनप्रतिनिधि र सुरक्षा निकायमा रहेका व्यक्तिहरुलाई सदस्यता नदिने पनि निर्णय महासंघको संगठनात्मक भेलाले पारित गर्दै सम्पन्न भएको ।
पत्रकार महासंघ श्रमजिवीहरुको संगठन भएको र पत्रकारिता गर्ने वाहेकका व्यक्तिहरुलाई महासंघको सदस्यता प्रवेशमा निषेध गर्ने गरि परिपत्र छिट्टै केन्द्रबाट देशैभर का शाखा हरुमा प्रवाह गर्ने केन्द्रीय अध्यक्ष गोविन्द आचार्यले जानकारी दिए । नयाँ सदस्यता आह्वानका लागि ७७ वटै जिल्लामा यही पुस मसान्त सम्मको म्याद थप गरिएको छ भने माघ १५ भित्र जिल्लामा आएका सदस्यहरुको छानविन सहित प्रदेशमा स्वीकृत गरि पठाउने समय तालिका महासंघको भेलाले सार्बजनिक गरेको । प्रदेशले फागुन १५ सम्म आएका सदस्यताको जाँचवुझ गर्ने र त्यसपछि केन्द्रमा पठाउन निर्देशन दिइएको छ । केन्द्रले १५ दिनसम्म छानविन गरी चैत्र मसान्त सम्म अन्तिम सदस्यहरुको नामावली प्रकाशित गर्ने कार्यतालिका महासंघको भेलाले पारित गरेको महासचिब बिष्टले बताए ।
कार्यविधिमा उल्लेख भएका नियमहरु कार्यान्वयन गर्न निर्देशन दिँदै कार्यतालिका र कार्यविधि कार्यान्वयन गर्न निर्देशन दिइएको छ भने यद्यपी शिक्षक, वकिल, प्राध्यापकहरुलाई भने यथेष्ट पत्रकारिताको प्रमाण पेश गरी सदस्यता नविकरण एवम नयाँ सदस्यता माग गर्न सक्ने पनि भेलाले निर्णय गरेको । वर्तमान कार्यसमितिको म्याद आगाभी भदौमा सकिने र सवै कामहरु समयमै सकिए महाधिवेशन समयमै हुने अन्यथा विद्यानमा उल्लेख भएअनुसार ६ महिना थप्न सकिने गरि आगामी २०७७ फागन मसान्त भित्रमा महाधिबेशन हुने गरि प्रकृया अघि बढने भेलाले निर्णय गरेको छ ।
नेपाल पत्रकार महासंघ पुर्बी शाखा नवलपरासीको आथिथ्यतामा सम्पन्न भएको भेला ऐतिहासिक र महत्वपुर्ण निर्णय हुन सकेको भन्दै प्रदेश अध्यक्ष, जिल्ला अध्यक्षहरुले कार्यविधि कार्यान्वयन केन्द्रदेखि जिल्लासम्मै गर्न आग्रह गरेका छन् । सधैँ लिखितमा सिमिति कार्यविधिहरु अव व्यवहारमा ल्याउन जरुरी रहेको भन्दै पत्रकारिता गर्ने व्यक्ति मात्रै समावेश हुनुपर्नेमा जोड दिएका थिए । महासचिव रमेश विष्टको अध्यक्षतामा सम्पन्न बैठकमा उपस्थित सवैलाई पत्रकार महासंघका अध्यक्ष होमराज रानाभाटले मायाको चिनो दिएर विदाई गरेका थिए । कार्यक्रममा पत्रकार महासंघ केन्द्रीय समिति, प्रदेशका अध्यक्षहरु गरि देश भरिका ६० पत्रकारहरुको सहभागिता रहेको थियो ।