जिल्ला समन्वय समिति नवलपुरमा एमाले विजयी

कावासोती । नवलपरासी (बर्दघाट–सुस्ता पूर्व)को जिल्ला समन्वय समितिको सबै पदमा नेकपा एमालेका उम्मेदवार विजयी भएका छन् । आज सम्पन्न निर्वाचनमा प्रमुख, उप प्रमुख सहित सात जना सदस्य गरि ९ वटै पदमा एमालेका उम्मेदवार निर्वाचित भएका हुन् ।
निर्वाचनबाट जिसस प्रमुखमा बाबुराम विश्वकर्मा र उप प्रमुखका शकुन्तला लम्साल ११/११ मतका साथ विजयी भएका हुन् ।
चार नगरपालिका र चार गाउँपालिकाको प्रमुख, उप प्रमुख, अध्यक्ष र उपाध्यक्ष गरि १६ मतदाता रहेकोमा कांग्रेसबाट प्रमुखका उम्मेदवार द्रोणवन सन्यासीले ५ र उप प्रमुखका उम्मेदवार मिरा थनेतले ५ मत प्राप्त गरेका छन ।

सदस्यहरूमा एमालेबाट उम्मेदवार बनेका पिन कुमारी चितौरे मगर, रेनु गुरो थारु, सरस्वती पाठक, सम्झना सार्की, कुल प्रसाद शर्मा भुसाल, लिला पौडेल लोकनाथ अर्यालले समान ११/११ मत प्राप्त गरि विजयी भएका छन् । कांग्रेसबाट सदस्यका उम्मेदवार दिनेश कुमाल र ज्ञानप्रसाद खनाल ४/४ मत प्राप्त गर्दा अन्य सदस्यहरूमा राधिका दमाईँ, देवमाया दमिनी, गोमाया भट्टराई पाण्डे, चित्रबहादुर थापा, सुरेन्द्र बहादुर कुमालले समान ५/५ मत प्राप्त गरेका छन् । सदस्य दुई जनामा खाली रहेकाले दिनेश कुमाल र ज्ञानप्रसाद खनालले ४/४ मत प्राप्त गरेका हुन् ।
जिल्ला समन्वय समतिको निर्वाचनका लागि रहेका १६ मतदाता मध्ये एमालेका ११ र कांग्रेसका ५ जना रहेका थिए ।