रेशम चौधरीको रिहाइ माग गर्दै डण्डामा प्रदर्शन

खेमनारायण महतो
कावासोती । नवलपुरको कावासोती १६ डण्डामा रेशम चौधरीलाई रिहाइ गर्न माग गर्दै प्रदर्शन गरेका छन । थारु कल्याणकारिणी सभा नवलपुर जिल्ला कार्यसमितिको आयोजनामा हाल सरकारले जारी गरेको मुलुकी फौजदारी संहिता संशोधन अध्यादेश प्रमाणीकरण गर्न र रेशम चौधरीलाई रिहाइको माग गर्दै प्रदर्शन भएको हो ।

बिहिबार राष्ट्रिय थारु संग्राहलय डण्डा देखि कावासोती १६ को गैडा चोक सम्म प्रदर्शन भएको थियो । प्रदर्शन पछि कोण सभा समेत सम्पन्न भएको थियो । कोण सभामा थारुहट थारुवान राष्ट्रिय मोर्चा केन्द्रिय सल्लाहकार गणेशमान महतोले धेरै आन्दोलन गर्दा पनि राज्यले थारु समुदायको माग सम्वोधन कहिल्यै नगरेको भन्दै थारु समुदाय एकजुट हुनुपर्ने बताएका थिए । उनले भने–“हामीले पटक–पटक भन्यौ हामी कुनै र·भेदी आन्दोलन गर्दैनौ, राष्ट्रका लागि हामी भूमि पुत्र हौ हाम्रो पहिचान भनेको नै राष्ट्रियता हो । टिकापुर घटनामा थारु समुदायलाई झुटा आरोप लगाईयो, यो राजनीतिक मुद्धा हो हामीलाई आम माफि चाहिएको हैन हामीलाई न्याय चाहिएको हो हामीलाई न्याय देऊ”।

जनताको जनमतले रेशम चौधरी निर्दोष छन् भनि प्रमाणित गरिसेको भन्दै महतोले सरकारले रेशम चौधरीलाई मुलधारको राजनीतिमा समावेश गर्न सहयोग गनुपर्ने बताएका थिए । त्यसैगरी थारु महिला सभा जिल्ला अध्यक्ष हरिमाया महतोले यदि यो अध्यादेश प्रमाण्किरण नभएमा थारु महिला मात्र हैन आम थारु समुदाले आन्दोलित हुने बताइन् । प्रदर्शनमा थारु कल्याणकारिणी सभा नवलपुर, थारु महिला सभा, थारु युवा सभा, थारु विद्यार्थी समाज, थरुहट थारुवान राष्ट्रिय मोर्चा, नागरिक उन्मुक्ति पार्टी नवलपुरको संयुक्त आयोजनामा जिल्लाका थारु समुदायका अगुवाहरु सहित २ सय जनाको उपस्थिती रहेको थियो ।