१ लाख २८ हजार नगदसहित १० जना जुवाडे पक्राउ

वीरगञ्ज । पर्साको पर्सागढी नगरपालिकाबाट जुवातास खेलिरहेका १० जनालाई प्रहरीले पक्राउ गरेको छ । जुवातास खेल्दै गरेको अवस्थामा प्रहरीले छापामारी गरेर पूर्व वडा अध्यक्ष वेदमन दास थारु, स्थानीय शिक्षक गौरीशंकर चौधरीलगायतलाई पक्राउ गरिएको हो ।

पर्सागढी नगरपालिका–३ बढनियार स्थित भागवत साहको घरबाट नगद र ताससहित उनीहरुलाई नियन्त्रणमा लिएको प्रहरीले जनाएको छ । १ लाख २८ हजार १ सय ४० रुपैयाँ र ४ बुक ताससहित १० जनालाई पक्राउ गरेको जिल्ला प्रहरी कार्यालय पर्साले जनाएको छ ।