मध्यविन्दु ४ का वडा अध्यक्षलाई दुर्व्यवहार गर्ने समुहले प्रहरी कार्यालयमा लिखित क्षमायाचना सहित माग्यो माफि

चोरमारा । मध्यविन्दु नगरपालिका वडा नं. ४ का वडा अध्यक्षलाई दुर्व्यवहार गर्ने समुहका सदस्यहरुले लिखित माफि मागेका छन् । बिहिबार साँझ जिल्ला प्रहरी कार्यालय नवलपरासी पूर्वमा लिखित कागज गर्दै दुर्व्यवहार कार्यमा संलग्न व्यक्तिहरुले माफि मागेका हुन् । मध्यविन्दु ४ का वडा अध्यक्ष डिल्लीराम चौधरीलाई बैंकलाई घरबाटो सिफारिस दिएको विषयमा बिहिबार दिउसो समुहमा आएका व्यक्तिहरुले अभद्र व्यवहार गरेका थिए । पछिल्लो समय बैंक तथा वित्तिय संस्था बिरुद्ध आन्दोलनरत रहेका व्यक्तिहरुको समुहले अध्यक्ष चौधरीले बैंकलाई घरबाटो सिफारिस दिएको विषय लिएर अभ्रद व्यवहार गरेका थिए । स्थानीय विष्णु वोहोरा ,बेद प्रसाद भण्डारी सहित दिपक वस्नेत र प्रदिप वस्नेतले भिड जम्मा पारी वडा अध्यक्ष चौधरीलाई अभद्र व्यवहार गरेको स्थानीयले बताएका थिए । उक्त घटनापछि कोल्हुवा प्रहरी हुदै जिल्ला प्रहरी कार्यालयमा भएको छलफलपछि घटनामा संलग्न भएका व्यक्तिहरुले मौखिक र लिखित क्षमायाचना गरेका हुन् ।

वडा अध्यक्ष चौधरीले आफु माथि भएको दुव्र्यवहारमा संलग्न व्यक्तिहरु माथि कारवाहीको माग गरेका थिए । पछि जिल्ला प्रहरी कार्यालयमा भएको छलफलमा दुव्र्यवहारमा संलग्न व्यक्तिहरुले आफ्नो गल्ती स्वीकार गर्दै माफि मागेपछि अबको दिनमा त्यसकिसिमको घटनामा संलग्न नहुनेगरी कागज गरेर प्रहरीले छाडेको हो ।