आज श्रावण महिनाको पहिलो सोमबारः नवलपुरका धार्मिकस्थलमा बिहानैदेखि भक्तजनको घुइँचो

मीनाक्षी कंडेल / नवलपुर ।आज श्रावणको पहिलो सोमबार कावासोतीसँगै नवलपुरका बिभिन्न धार्मिक स्थलहरुमा भक्तजनको घुईचो लागेको छ ।नवलपुरको गैडाकोट,देवचुली,कावासोती,मध्यबिन्दुसँगै जिल्लामा रहेका बिभिन्न धार्मिक स्थलहरुमा भगवान शिवको पूजाआराधना गर्ने भक्तजनको भिड लागेको हो ।नवलपुरको कावासोतीमा रहेको नर्मदेश्वर शिवालय,मध्यबिन्दुमा लोहोसेधारा,दाउन्ने मन्दिर लगायत जिल्लाको बिभिन्न स्थानमा रहेका धार्मिक स्थलहरुमा भक्तजनको भिड लागेको हो ।श्रावण महिनाको सोमबार भगवान शिवको पूजाआराधना गर्नाले परिवारमा सुख शान्ति सहित मनोकाक्षाहरु पूर्ण हुने धार्मिक बिश्वास समेत रहदैँ आएको छ । तिथि अनुसार अघिल्लो सोमबार नै साउने सोमबार भए पनि साउन महिना भने आजदेखि सुरू भएको हुदाँ भक्तालुहरुको भिड लागेको नर्मदेश्वर शिवालय मन्दिरका ब्यवस्थापन समितिका अध्यक्ष ओमप्रकाश भण्डारीले जानकारी दिए ।

श्रावण महिनाको सोमबार मन्दिरमा बिशेष भिड लाग्ने हुँदा सुरक्षा ब्यवस्था तथा पूजाआराधनाका क्रममा भक्तजनहरुको सहजताका लागि मन्दिरबाट प्रवाह हुने आवश्यक सेवासुबिधाका निम्ति समिति लागि परेको मन्दिरका अध्यक्ष ओमप्रकाश भण्डारीले जानकारी दिए । बिशेषतःसाउनको सोमबार भगवान शिवको पूजा अर्चना गर्दा मनोकांक्षा पूरा हुने धार्मिक विश्वास रहि आएको छ ।