नवलपुरमा उठ्यो रु. २६ अर्ब बढी राजश्व

कुल लक्ष्यको ९६ प्रतिशत अन्तशुल्क तर्फ मात्रै राजश्व सङ्कलनको लक्ष्य राखिएको थियो । खपत बढ्ने लक्ष्य राखिएको भएपनि अर्थतन्त्रमा आएको संकुचनले गर्दा अन्तशुल्कको सङ्कलनमा समेत कमी आउँदा लक्ष्य हासिलमा प्रभाव परेको प्रमुख कर अधिकृत पन्थीले बताउनुभयो । ‘अर्थतन्त्रमा आएको संकुचनले आम्दानीमा कमी ,घर जग्गा लगायतका कारोबारमा कमी हुँदा खपतमा समेत कमी आयो, यसले राजश्व सङ्कलनमा समेत केही कमी देखिएको छ’ प्रमुख कर अधिकृत पन्थीले भन्नुभयो ।
लक्ष्य अनुसार राजश्व सङ्कलनमा केही कम देखिएपनि देशैभरिका राजश्व कार्यालयको तुलनामा आन्तरिक राजश्व कार्यालय कावासोतीको अवस्था राम्रो रहेको प्रमुख कर अधिकृत पन्थीले बताउनुभयो ।
प्रमुख कर अधिकृत पन्थीका अनुसार आर्थिक वर्ष २०७८÷०७९ को तुलनामा गत आर्थिक वर्षमा बढी राजश्व संकलन भएको छ । आर्थिक वर्ष २०७८÷०७९मा रु. २४ अर्ब ११ करोड, १२ लाख १ हजार राजश्व संकलन भएको थियो । यस भन्दा गत आर्थिक वर्षमा रु. २ अर्ब २० करोड ७२ हजार राजश्व बढी संकलन भएको छ । ‘हाम्रोमा राजश्व सङ्कलनको दर बढ्दो रहेको छ, गत आर्थिक वर्षमा समेत कुल राजश्व सङ्कलनको रकममा वृद्धि देखिएको छ, यो राम्रो पक्ष हो’ प्रमुख कर अधिकृत पन्थीले भन्नुभयो ।