२०८३ अषाढ ९, मंगलबार

पहिरोले बुटवल-पाल्पा सडक बिहानैदेखि अवरुद्ध

नमुना पोष्टप्रकाशित मिति: २०८० श्रावण ११, बिहिबार (२ साल अघि)

रुपन्देही । पहिरोका कारण बुटवल पाल्पा सडक बिहीबार बिहानैदेखि अवरुद्ध भएको छ ।राजमार्ग सुरक्षा तथा ट्राफिक व्यवस्थापन कार्यालय बुटवलका अनुसार बिहान करिब पौने ८ बजेदेखि सडक अवरुद्ध भएको हो ।पाल्पाको तिनाउ–३ स्थित निर्माणाधीन सुरुङ मार्गको रिपनजिकै हेड बक्समा पहिरोले सडक पुरिएको छ ।

सडक अवरुद्ध भएपछि बुटवलदेखि पाल्पा, गुल्मी, स्याङ्जा, पोखरा लगायत ठाउँका लागि छुटेका सवारीहरू बीच बाटोमै अलपत्र परेका छन् भने ती स्थानहरूबाट आएका सवार साधनहरू पनि बीचमै अलपत्र परेका छन् ।पहिरोलाई हटाएर सडक खुलाउने प्रयास जारी रहेको प्रहरीले जनाएको छ ।‘सडकको हिलो र ढुंगा हटाएपनि माथिबाट ढुंगा खसिरहेकाले जोखिम बढेको छ । अहिले पानी धेरै नपरेकाले केही समयमा समाधान होला’, ट्राफिक प्रहरी कार्यालयका सूचना अधिकारीले भने ।