म्याजिक र ट्रक ठोक्किँदा १७ जना घाइते

चितवन । नारायणगढ– मुग्लिन सडकमा म्याजिक र ट्रक ठोक्किँदा १७ जना घाइते भएका छन् । भरतपुर महानगरपालिका वडा नं।२९ स्थित चौधकिलोमा आज बिहान करिब पौने १० बजे दुर्घटना भएको हो।

मुग्लिनबाट नारायणगढतर्फ आइरहेको ना १ ज ४९५७ नम्बरको म्याजिक भ्यान विपरित दिशाबाट आइरहेको प्रदेश २–०३–००१ ख ०७०६ नम्बरको ट्रकसँग ठोक्किँएको हो । म्याजिक भ्यानको टायर पङ्चर भएर ट्रकसँग ठोक्किएको चितवन प्रहरीले जनाएको छ ।

सो दुर्घटनामा इच्छाकामना गाउँपालिका वडा नं।३ बस्ने वर्ष २२ का अमिन सुनार , वर्ष ३३ की तारा गुरूङ , वर्ष ३ की अंशु गुरूङ , वर्ष १० का विक्रम गुरूङ , वडा नं।२ बस्ने वर्ष १७ कि अस्मिता चेपाङ, वर्ष १६ का सोमबहादुर चेपाङ , इच्छाकामना गाउँपालिका वडा नं।४ बस्ने वर्ष ४८ की माया राना , वर्ष ३७ का भरत आले, वर्ष ४० की लालमाया आले, वर्ष ३८ की लीला गुरूङ र वडा नं.७ बस्ने वर्ष १० की मिक्की गुरूङ को चितवन मेडिकल कलेजमा उपचार भइरहेको छ ।